थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

कैलारीसे आठ वेडके आइसोलेसन कक्ष निर्माण

पहुरा | ७ असार २०७७, आईतवार
कैलारीसे आठ वेडके आइसोलेसन कक्ष निर्माण

पहुरा समाचारदाता
हसुलिया, ७ असार ।
कैलारी गाउँपालिका आठ शैयाके आइसोलेसन कक्ष स्थापना करले बा ।
गाउँपालिकाके पाँच जनहनमे कोरोना सङ्क्रमण रहल पुष्टि हुइलपाछे ओइनहे धारेक लाग वडा नम्बर ५ स्थित श्री जनकल्याण माध्यमिक विद्यालय पवेरामे आइसोलेसन कक्ष निर्माण करल हो । आइसोलेसन कक्ष निर्माण कार्यमे जनप्रतिनिधि ओ कर्मचारी खटल रहिट ।
कैलारीमे पहिल चो पुष्टि हुइल पाँच जाने सङ्क्रमितहे उहे आइसोलेसन कक्षमे राखल बा । ओस्टेक करके, आवश्यक स्वास्थ्य सामग्री, स्वास्थ्यकर्मी ओ सुरक्षाकर्मीकेफे व्यवस्था करल जनाइल बा ।
आरडीटी परीक्षणमे पोजेटिभ डेखल मन्से पाँच जनहनमे कोरोना सङ्क्रमण पुष्टि हुइल हो । सङ्क्रमितके स्वाब नमूना रिपोर्ट शुकके आइल गाउँपालिकाके स्वास्थ्य शाखा प्रमुख विरेन्द्र सापकोटा जानकारी डेलै ।
सङ्क्रमितहुक्रे वडा नम्बर ८ ओ ९ के रहल गाउँपालिकाके प्रवक्ता कमलप्रसाद चौधरी जानकारी डेलै । उहाँ थप सङ्क्रमित पुष्टि हुइलेसे आवश्यकतानुसार आइसोलेसन बेडके व्यवस्थापन करटी जैना उल्लेख करलै ।

क्वारेन्टाइनके अनुगमन
कैलारी गाउँपालिका स्तरीय अनुगमन समितिसे वडामे स्थापना करल क्वारेन्टाइनके अनुगमन करले बा ।
समितिके संयोजक एवम् गाउँपालिकाके उपाध्यक्ष लक्ष्मी सत्गौंवा थारुके संयोजकत्वमे क्वारेन्टाइनके अनुगमन करल हो ।


समितिसे वडा नम्बर १ के वनदेवी आधारभूत विद्यालय, वडा नम्बर ३ के दीपेन्द्र प्रावि उत्तर भडरी, वडा नम्बर ४ के गरिमा प्रावि के गाउँमे स्थापना करल क्वारेन्टाइनके अनुगमन करले बा । ओस्टेक, वडा नम्बर ५ के सर्वोदय प्रावि बैजपुर, वडा नम्बर ७ के राष्ट्रिय माध्यमिक विद्यालय भुईयाँफाँटा ओ जनता आधारभूत विद्यालय रामपुरमे स्थापना करल क्वारेन्टाइनकेफे अनुगमन करल बा ।
अनुगमनके क्रममे क्वारेन्टाइनमे रहल महिलाहुकनहे हाइजेनिक किट, गर्भवती ओ बालबालिकाहे फलफूल, विस्कुट वितरण करल बा । ओस्टेक, सेनिटाइजर, मास्क, साबुन, ब्रस, कोेल्गेटफे वितरण करल जनाइल बा ।
अनुगमनके क्रममे समितिके संयोजक एवम् उपाध्यक्ष सत्गौंवा क्वारेन्टाइनमे बैठलहुकनसंग छलफल करले बाटी । उहाँ स्वास्थ्यके सवालमे सजगता अपनैनाफे आग्रह करली ।
अनुगमनमे गाउँपालिकाके योजना शाखा प्रमुख सन्तोषकुमार चौधरी, स्वास्थ्य शाखाके कर्मचारी लगायतके सहभागिता रहल रहे ।

जनाअवजको टिप्पणीहरू