सुदूरपश्चिममे थप ४३ जनहनमे कोरोना पुष्टि

पहुरा समाचारदाता
धनगढी,७ असार । सुदूरपश्चिम प्रदेशमे थप ४३ जनहनमे कोरोना पुष्टि हुइल बा । सेती प्रादेशिक अस्पतालके प्रयोगशालामे करल नमुना परिक्षणमे ४३ जनहनमे कोरोना पुष्टि हुइल हो ।
सेती प्रादेशिक अस्पतालके सूचना अधिकारी दिलिपकुमार श्रेष्ठके अनुसार ठपल मन्से सबसे ढेर कैलालीके २९ जाने रहल बाटै । ओस्टेक डोटीके पाँच जाने, कञ्चनपुरके तीन जाने, बाजुरा, डडेल्धुरा ओ बैतडीके दुई÷दुई जाने रहल बाटै । यी संगे सुदूरपश्चिममे कोरोना संक्रमितके संख्या ९९१ पुगल बा ।