थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

रोपाइँके सट्टा बोवारो धानखेती करटी किसान

पहुरा | ८ असार २०७७, सोमबार
रोपाइँके सट्टा बोवारो धानखेती करटी किसान

पहुरा समाचारदाता
धनगढी, ८ असार ।
कैलालीके भजनी नगरपालिका–३ के मानबहादुर साउँद एक बिघा जग्गामे धानखेती करिट । मने उहाँ यी बरस भर तीन बिघा जग्गामे धानखेती करले बाटै । उहाँ एक बिघा खेतमे धान लगैले बाटै कलेसे, दुई बिघा खेतमे धान बोइले बाटै । “कुछ उच्च ठाउँमे धानके रोपाइँ करजाए, प्राय सक्कु जमीन वर्षातके सिजनमे बाँझ रहे”, साउँद कहलै, “यी बरस सक्कुु किसान खेतुवामे धान बोके खेती करले बाटै, उत्पादन लगाइलके बराबर हुइलपाछे मै फेन धान बोके खेती करले बाटु ।”
मानबहादुर किल नाइहोके कन्हैयाँपुरके चेतराम चौधरी फेन तीन बिघा क्षेत्रफलमे धानखेती करले बाटै । उहाँ फेन लगैनाके सट्टा धान छिटके खेती शुरु करले बाटै । अब्बे चेतरामके खेतुवामे धानके हरियाली डेखे सेकजाइ । “आघेक बरस किल कुछ किसान धान छिटके खेती करल रहिट, उत्पादन मजा हुइलपाछे यी बरस अधिकांश किसान छिटके धान खेतीमे केन्द्रित बाटै”, चेतराम कहलै, “मजा उत्पादन ओ खर्च कम हुइना हुइल ओरसे फेन किसान यी प्राविधिकहे अपनाइल हुइट ।”
बाढ ओ डुबानके उच्च जोखिम रहल भजनी नगरपालिका हुलाकी राजमार्गअन्तर्गत पर्ना सोनाहाफाँटा, कृष्णपुर, ठेकीलगायतके क्षेत्रमे अब्बे किसानके खेतुवामे हरियाली डेखे सेकजाइठ् । बर्षातके समयमे बाँझ रहना जग्गामे नयाँ प्रणालीसे धानखेती करल औरे किसान प्यारे चौधरी बटैलै ।

जनाअवजको टिप्पणीहरू