थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

नवजीवन अस्पतालके २४ स्वास्थ्यकर्मीके पिसीआर रिपोर्ट नेगेटिभ

पहुरा | ९ असार २०७७, मंगलवार
नवजीवन अस्पतालके २४ स्वास्थ्यकर्मीके पिसीआर रिपोर्ट नेगेटिभ

धनगढी, ९ असार । कोरोनाके संक्रमणसे मृत्यु हुइल पुरुषके सम्पर्कमे आइल नवजीवन अस्पताल प्रालि धनगढीके २४ स्वास्थ्यकर्मीके रिर्पोट नेगेटिभ आइल बा ।
अस्पतालमे कार्यरत चिकित्सक ओ अन्य स्वास्थ्यकर्मी सहित २४ जनहनके रिर्पोट नेगेटिभ आइल हो । अस्पतालके सञ्चालक योगेन्द्र ओझा धनगढीमे करल पीसीआर परीक्षणके क्रममे रिर्पोट नेगेटिभ आइल जानकारी डेलै ।
जेठ ३१ गते कोरोना पुष्टि हुइल गोदावरी नगरपालिका १ के ४६ वर्षीय पुरुषके मृत्यु हुइल रहे । कोरोना पुष्टि हुइनासे आघे स्वास्थ्यमे समस्या डेखल उहाँहे जेठ ३० गते नवजीवन अस्पतालके आइसीयूूमे भर्ना करल रहे ।


विरामीके अवस्था जटिल बन्टी गैलपाछे ओ कोरोना भाइरस (कोभिड(१९) संग मिल्दो जुल्दो लक्षण डेखा परलपाछे स्वाव परिक्षण करेबर ओहकान पिसीआर रिपोर्ट पोजेटिभ आइल रहे । जेठ ३१ गते सेती प्रादेशिक अस्पतालमे रिफर करल उहाँके अस्पतालमे उपचारके क्रममे मृत्यु हुइल रहे ।
विरामीके मृत्युपाछे उपचारमे संलग्न अस्पतालके सक्कु चिकित्सक तथा प्यारामेडिकल कर्मचारीहे क्वारेन्टाइनमे राख्के फाँट पुर्ण तथा शिल करल रहे । उहाँ सक्कु जनहनके असार ८ गते पिसीआर रिपोर्ट नेगेटिभ आइल अस्पताल जनैले बा ।

#CoronaVirus

#Codiv-19

जनाअवजको टिप्पणीहरू