धनगढी उपमहानगरके बजेट १ अर्ब ६३ करोड ८२ लाख

पहुरा समाचारदाता
धनगढी,१० असार । कैलालीके धनगढी उपमहानगरपालिकासे आर्थिक वर्ष २०७७÷०७८ लाग १ अर्ब ६३ करोड ८२ लाख रुप्याके बजेट सार्वजनिक करले बा । बुधके रोज हुइल धनगढी उपमहानगरपालिकाके पाँचौ नगर सभामे बार्षिक नीति तथा कार्यक्रमबारे जानकारी डेटी नगर उपप्रमुख सुशीला मिश्रभट्ट अइना आ.व के लाग बजेट प्रस्तुत करल रहिट ।
आन्तरिक आय रु १९ करोड ९९ लाख ७३ हजार ६६०, वित्तीय सामानिकरण रु २९ करोड २ लाख, राजश्व बाँडफाँड रु १८ करोड ४० लाख, सशर्त अनुदान रु ५० करोड २६ लाख, प्रदेश सरकार समपुरक कोष अनुदान रु २ करोड ५० लाख, प्रदेश सरकार विशेष अनुदान रु १ करोड १४ लाख, अन्य आय रु ४२ करोड ५० लाख २६ हजार ३४० करके रु १ अर्ब ६३ करोड ८२ लाखके बजेट प्रस्तुत कैले रही ।
ओस्टेक नेपाल सरकार ओ प्रदेश सरकार मार्फत विगत जस्टे निरन्तर रुपमे स्थानीय सरकार मार्फत निकास हुइना बजेटमे सामाजिक सुरक्षा अनुमानित बजेट रु ३० करोड, सडक बोर्ड नेपाल अनुमानित बजेट रकम रु १ करोड, तराई मधेश समृद्धि कार्यक्रम अनुमानित बजेट रकम रु १ करोड, स्थानीय पूर्वाधार साझेदारी विकास कार्यक्रम अनुमानित बजेट रकम रु ४ करोड, क्षेत्रीय शहरी विकास आयोजना अनुमानित बजेट रकम रु ८ करोड, प्रदेश पूर्वाधार विकास कार्यक्रम रु २ करोड, अनुमानित बजेट बजेट रकम और कार्यक्रम अनुदान बजेट रकम रु १ करोड नगगरपालिकासे खर्च कैना बजेट हो ।
नगरपालिकाके आ.व २०७६÷२०७७ के यिहे जेठ ३२ गतेसमके यथार्थ आम्दानी खर्चमे कुल आय रु १ अर्ब २८ करोड ३२ लाख २७ हजार मन्से आन्तरिक स्रोतसे १७ करोड ८० लाख, बाहिय स्रोतसे रु १ अर्ब १० करोड ५२ लाख २७ हजार रहल उहाँ जनैली । कुल खर्च रु ९५ करोड ९२ लाख १९ हजार मन्से चालु खर्च रु ६९ लाख ४४ लाख ३८ हजार ओ पुँजीगत खर्च रु २६ करोड ४७ लाख ७९ हजार रहल नगरउप प्रमुख बटैली । चालु खर्चमे सामाजिक सुरक्षा कार्यक्रमके रु १८ करोड २२ लाख समावेश नइकरल हो ।
नगरसभा कार्यक्रम नगरप्रमुख नृप बहादुर वडके अध्यक्षतामे हुइल रहे । कलेसे संचालन प्रमुख प्रशासकीय अधिकृत नारायण प्रसाद सापकोटा ओ स्वागत वडा नम्बर १८ के अध्यक्ष मुरारी अधिकारी करले रहिट । कार्यक्रममे सक्कु वडाके अध्यक्ष, वडा सदस्य, कार्यपालिका सदस्य, टमान संघ सस्थाके प्रतिनिधिके उपस्थिती रहे ।

धनगढी उप–महानगरपालिके नीति ,कार्यक्रम तथा बजेट नगरसभासे पारित
धनगढी उपमहानगरपालिकासे नानल नीति, कार्यक्रम तथा बजेट बुधके बैठल पाँचौं नगरसभासे पारित करले बा ।
उप–महानगरसे आर्थिक बर्ष २०७७÷०७८ के लाग १ अर्ब ६३ करोड ८२ लाख बराबरके अनुमानित बजेट नगर सभामे पेश करल रहे ।
धनगढी स्थित ओम प्यालेसमे आयोजित पाँचौं नगर सभामे उप–महानगरपालिकाके उपप्रमुख सुशीला मिश्रभट्ट उपमहानगरके अइना बर्षके बजेट तथा नीति कार्यक्रम प्रस्तुत करल रहिट । । प्रस्तुत बजेट अनुसार चालु खर्च ओ ८५ करोड ओ पूजीगत खर्च तर्फ ७८ करोड ८२ लाख रहल बा ।
बजेटमे आयओर आन्तरिक आय १९ करोड ९९ लाख ७३ हजार ६ सय ६०, वित्तीय समानिकरण २९ करोड २ लाख, राजस्व वाँडफाँडसे १८ करोड ४० लाख, सशर्त अनुदान ५० करोड २६ लाख, प्रदेश सरकार समपुरक कोष अनुदान २ करोड ५० लाख, प्रदेश सरकार विशेष अनुदान १ करोड १४ लाख ओ और आय ४२ करोड ५० लाख २६ हजार ३ सय ४० उल्लेख करल बा ।
नगरसभामे १ अर्व ४८ करोड ४ लाख ४८ हजारके बजेट पेश करल हुइट । जेम्ने मन्से चालुओर ७६ करोड ३६ लाख ४२ हजार १६६ रुपियाँ ३८ पेस करल बा । पुँजीगत ओर ८१ करोड, ६८ लाख ५ हजार ८ सय ३३ रुपियाँ ६२ रहल बा ।
नगरसभामे पेश हुइल बजेट नीति तथा कार्यक्रम उप्पर नगरसभा सदस्यहुक्रे छलफल करले रहिट । नगरसभाके सदस्यहुक्रे नीति, कार्यक्रम तथा बजेटके बारेमे राखल जिज्ञासाके नगरप्रमुख नृपबहादुर वड जवाफ डेहल रहिट । नगरप्रमुख वड नीति, कार्यक्रम ओ बजेट उप्पर मजा छलफल हुइल बटैलै । उहाँ कहलै, आइल सुझावहे अंगिकार कैजाई । नगरसभा सदस्यहुकनहे लिखकेफे सुझाव डेना कहले बाटी, नगरप्रमुख वड कहलै । आइल सुझावहे समेटके आघे बह्रबी ।