धनगढी उप–महानगरसे २८ बेडके आईसोलेशन संचालनमे नानल

पहुरा समाचारदाता
धनगढी, ११ असार । कोरोना संक्रमितहुकनके उपचारके लाग धनगढी उप–महानगरपालिकासे बुधसे २८ वेडके आईसोलेशन संचालनमे नन्ले बा ।
कोरोना संक्रमितके संख्या बढल ओरसे उप–महानगरपालिकासे आईशोलेसन संचालनमे नानल हो । उप–महानगरपालिका वडा नं १५ जडिबुटी प्रशोधन केन्द्रमे निर्माण करल आईसोलेशनमे संक्रमित बिरामीहुक्रे रख्न सुरु हुसेकल बा । संक्रमितहुकनहे आईसोलेशनमे धारके उपचार करे सुरु कैसेकल बाटी नगरप्रमुख वड कहलै, आवश्यकता अनुसार बेड थप कैना योजना बा । अब्बे संचालनमे नानल आईसोलेशनमे १ सय ५० वेड सम बनाई सेक्ना नगरप्रमुख वड बटैलै ।
प्रदेशके कोरोना अस्पताल कहल सेती प्रादेशिक अस्पतालमे ६५ ठो केल आईसोलेशन वेड रहल बाटै । प्रदेशभरके संक्रमितहुकनके उपचार करे पर्ना हुइल ओरसे उहाँ बिरामीसे ठाउँ पाइल नइहो नगरप्रमुख वड कहलै, टबमारेफे धनगढीहे आईसोलेशन निर्माणके हतारो हुइल हो । धनगढी उप–महानगरपालिकासे महिलाके लाग धनगढीमे रहल बि.पोलिटेकमे १० वेडके ओइसोलेशन बनैना तयारी करटी रहल बा ।
धनगढी उप–महानगरपालिका भिटर केल ६५ जाने कोरोना संक्रमित फेला परल बाटै । जेम्ने मन्से २ जनहनहे सेती प्रादेशीक अस्पतालमे धारके उपचार हुइटी रहल बा । ७ जाने उपचार पाछे ठिक हुके घर लौटसेकल बाटै । धनगढी उप–महानगरपालिका कोभिड उप–समितिके संयोजक नारायण प्रसाद बराल जटिल अवस्थामे रहलहुकनहे केल आईसोलेशनमे धारके उपचार कैना बटैलै ।