थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

हमार म्यूजिक बगियासे संचारकर्मीनहे स्वास्थ्य सामाग्री ओ क्यालेण्डर

पहुरा समाचारदाता | १५ असार २०७७, सोमबार
हमार म्यूजिक बगियासे संचारकर्मीनहे स्वास्थ्य सामाग्री ओ क्यालेण्डर


धनगढी, १५ असार । हमार म्यूजिक बगिया प्रालिसे नेपाल पत्रकार महासंघ कैलालीहे स्वास्थ्य सामाग्री ओ थारु भित्तेपात्रो हस्तान्तरण करले बा ।

कोरोना संक्रमणके नियन्त्रणमे कुछ सहयोग पुगे कहटी नेपाल पत्रकार महासंघ कैलालीहे स्वास्थ्य सामाग्री ओ थारु भित्तेपात्रो हस्तान्तरण करल प्रालिके अध्यक्ष विर चौधरी बटैलै ।

स्वास्थ्य सामाग्री ओ क्यालेण्डर नेपाल पत्रकार महासंघ कैलालीके अध्यक्ष जगत साउद, सचिव मिन ठकुरीहे हस्तान्तरण कैगिल रहे । उहे अवसरमे बोल्टी प्रालिके अध्यक्ष विर चौधरी कोरोनाके कारण कलाकार भारी मारमे परल बटैलै ।

हमार म्यूजिक बगिया प्रालि म्यूजिक भिडियो उत्पादन करटी आइल संस्था रहलेसे सामाजिक उत्तरदायित्य बहनके क्षेत्रमे समेट सहयोग करल उहाँ कहलै । यिहे आघे बोक्सीनीयक आरोपमे कुटपिटमे परल एक जनहनहे सहयोग करल, ओस्टेक टिकापुर घटनाके परिवारहे आर्थिक सहयोग करल अध्यक्ष विर बटैलै ।

प्रालिके सचिव दिनेश दहित आवश्यकता अनुसार महासंघ मार्फत संचारकर्मीनहे उ सामाग्री वितरण होए कहटी नेपाल पत्रकार महासंघहे हस्तान्तरण करल बटैलै ।

जनाअवजको टिप्पणीहरू