धनगढी उप–महानगरपालिकासे पचास प्रतिशत भाडा मिनाहा

पहुरा समाचारदाता
धनगढी , १५ असार । धनगढी उप–महानगरपालिकासे पूर्ण लकडाउनके तीन महिनाके भाडामे ५० प्रतिशत मिनाहा करले बा ।
उप–महानगरपालिकासे अपन सपिङ्ग कम्प्लेक्सके भाडामे ५० प्रतिशत छुट डेना निर्णय करल हो । लकडाउनके कारण व्यवसाय ठप्प हुइल कहटी उप–महानगरपालिकासे चैत ११ गतेसे असार १ गतेसमके भाडा छुट करल नगरप्रमुख नृपबहादुर वड बटैलै । धनगढी उप–महानगरपालिकासे अपन सपिङ्ग कम्प्लेक्स व्यापारीनहे भाडामे डेले बा ।
कैलाली उद्योग वाणिज्य संघके अध्यक्ष पुष्पराज कुँवर उप–महानगरपालिकासे सराहनीय निर्णय करल बटैलै । उहाँ और सरकारी कार्यालय ओ संघसंस्थाहुक्रे उप–महानगरपालिकासे कुछ सिख्ना समय आइल बटैलै ।