थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

एक किलो सलहके २५ रुपैँया डेना सरकारके निर्णय

पहुरा | १५ असार २०७७, सोमबार
एक किलो सलहके २५ रुपैँया डेना सरकारके निर्णय

पहुरा समाचारदाता
धनगढी, १५ असार ।
सुदूरपश्चिम प्रदेश सरकारके भूमि व्यवस्था, कृषि तथा सहकारी मन्त्रालय एक किलो सलह किरा नन्लेसे २५ रुप्या डेना निर्णय करले बा । धान दिवसके पूर्व सन्ध्यामे अँटवारके रोजमे हुइल आयोजित पत्रकार सम्मेलन उ निर्णय करल मन्त्रालय जनैले बा ।
अनिकाल निम्त्यइना मेरिक यी किराके प्रवेश हुइल ओरसे अइनके प्रकोप रोकेक लाग एक किलो सलहके मोल २५ रुप्या डेना निर्णय करल मन्त्रालयके प्रवक्ता खगेन्द्र प्रसाद शर्मा बटैलै । उहाँ कहलै सलह किरासे पुगाई सेक्ना क्षति कम कैना टमान उपायमध्ये किरा संकलन करके स्थानीय तहके वडा कार्यालयमे बुझुइयाहे एक किलोग्रामके २५ रुप्याके दरसे नगद प्रोत्साहन डेना व्यवस्था करल बा ।
सलह किरा जम्मा करके ननुइयाहे वडा कार्यालय तत्काल नगद डेना उहाँ बटैलै । एक ठो छोट समुहसे २५ सय जनहनहे पुग्न अन्नबाली नष्ट करठै । एक ठो सलहके झुण्ड एक दिनमे ढेरमे १० हात्ती वा २५ सय मनैनके खैना आहार बराबरके बवस्पति नष्ट कैना प्लान्ट क्वारेन्टिन एवम विषादी व्यवस्थापन केन्द्र जनैले बा ।
केन्द्रके अनुसार यी आघे सन् १९६२ मे गोदावरी ओ काठमाडौसे संंकलन करके यैसिन किराके पहिचान करल रहे । सन २०१८ मे अरेबियनसे उत्पत्ति हुइल यी किरा सन २०१९ मे यमन, साउदी अरेबियार हुइटी ओकर उतराद्र्धमे भारत ओ पाकिस्तानमे प्रवेश करल हो । उ ठाउँमे प्रवेश करल किरा नेपालमे आई नइसेक्ना कहल रहे ।

जनाअवजको टिप्पणीहरू