थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिममे ठप १२६ जनहनमे कोरोना

पहुरा | १५ असार २०७७, सोमबार
सुदूरपश्चिममे ठप १२६ जनहनमे कोरोना

पहुरा समाचारदाता
धनगढी, १५ असार ।
सुदूरपश्चिममे सोम्मार १२६ जनहनमे कोरोना पुष्टि हुइल बा । शिक्षण अस्पताल काठमाडौं, कर्णाली स्वास्थ्य विज्ञान प्रतिष्ठान जुम्ला, धनगढी प्रयोगशाला ओ भरतपुर अस्पतालके प्रयोगशालामे हुइल परीक्षणमे १२६ जनहनमे कोरोना पुष्टि हुइल हो ।
सेती प्रादेशिक अस्पतालके प्रयोगशालामे पछिल्का २४ घण्टामे कैगिल परिक्षणमे २७ जनहनमे कोरोना संक्रमणके पुष्टि हुइल जनागिल बा । लौवा ठपलमे बैतडी दशरथ चन्दके तीन जाने, बाजुरा त्रिवेणीके २ जाने, डडेल्धुरा पर्शुरामके २ जाने, डोटी आर्दशके तीन जाने, डोटी केआइसिङके ३ जाने, डोटी पूर्र्वी चौकीके ९ जाने ओ कैलाली भजनीके ५ जाने रहल सेती प्रादेशिक अस्पतालके सूचना अधिकारी दिलिपकुमार श्रेष्ठ जनैले । ओम्ने १६ महिला, ११ पुरुष रहल बाटै । सेती प्रादेशिक अस्पतालके प्रयोगशालामे पछिल्का २४ घण्टामे ३ सय ९८ जानेक पिसिआर विधिसे परिक्षण कैगिल उहाँ बटैलै ।
ओस्टेक स्वास्थ्य तथा जनसङख्या मन्त्रालयके अनुसार सोम्मार शिक्षण अस्पतालमे हुइल परीक्षणमे बाजुराके २० महिला ओ ४६ पुरष करके ६६ जनहनमे कोरोना पुष्टि हुइल बा । कर्णाली स्वास्थ्य विज्ञान प्रतिष्ठान जुम्लामे हुइल परीक्षणमे बाजुरा जिल्लाके ८ महिला ओ २४ पुरष करके ३२ जनहनमे कोरोना पुष्टि हुइल स्वास्थ्य तथा जनसङख्या मन्त्रालयके प्रवक्ता डाक्टर जागेश्वर गौतम बटैलै । ओस्टेक भरतपुर अस्पतालके प्रयोगशालामे हुइल परीक्षणमे कैलालीके एक पुरुषमे कोरोना पुष्टि हुइल उहाँ बटैलै । यी संगे सुदूरपश्चिममे संक्रमितके संख्या दुई हजार चार सय ३५ पुगल बा ।

जनाअवजको टिप्पणीहरू