धनगढी–११ के कार्यालय भवन शिलान्यास

पहुरा समाचारदाता
धनगढी, १६ असार । धनगढी उपमहानगरपालिका वडा नम्बर ११ के वडा कार्यालय भवनके सोम्मार शिलान्यास करल बा ।
धनगढी उपमहानगरपालिकाके प्रमुख नृपबहादुर वड भवनके शिलान्यास करल रहिट । ८५ लाखसे ढेरके लागत स्टीमेटमे निर्माण हुइटी रहल वडा कार्यालय भवन एक बर्ष भिटर निर्माण सम्पन्न हुइना करके ठेक्का सम्झौता करल बा ।
नगरप्रमुख नृपबहादुर वड नगरके सक्कु १९ वडा कार्यालय मध्ये अधिकांस वडाके भवन निर्माण सम्पन्न हुसेकल बटैलै । बाँकी वडाके वडा कार्यालय भवनफे निर्माण कार्य अपने कार्यकाल भिटर सम्पन्न कैना नगरप्रमुख वड बटैलै । वडा कार्यालय व्यवस्थित नइहुइटसम वडा तहके कार्य सम्पादन व्यवस्थित हुई नइसेकी नगरप्रमुख वड कहलै, टबमारे पूर्वाधार निर्माण प्राथमिकतामे पारल हुई ।