क्षमता विकास एवं कोभिड–१९ बारे सचेतना अभिमुखीकरण

हसुलिया, १६ असार । पदाधिकारीके लाग उद्घोषण तथा क्षमता विकास कार्यक्रम एवं कोरोना भाइरस (कोभिड–१९) बारे सचेतना अभिमुखीकरण कार्यक्रम मंगरके हसुलियामे सम्पन्न हुइल बा ।
कैलारी गाउँपालिकाके आयोजना तथा ओजरार मिडिया प्रा.लि. कैलालीके सहजीकरणमे कार्यक्रम हुइल हो । गाउँपालिकाके उपाध्यक्ष लक्ष्मी सत्गौंवा थारुके अध्यक्षतामे हुइल कार्यक्रममे गाउँपालिकाके प्रमुख प्रशासकीय अधिकृत खगेन्द्र राज जोशी, सूचना अधिकारी यगम कलेल, योजना शाखा प्रमुख सन्तोष कुमार चौधरी, स्वास्थ्य शाखा प्रमुख विरेन्द्र सापकोटा लगायत पहुना रहल रहिट ।
कार्यक्रममे कोभिड–१९ रोकथाम तथा सचेतनाबारे फिजिसियन डा. शेरबहादुर कमर, उद्घोषण तथा क्षमता विकासबारे मोहन भट्ट, कोभिड–१९ से समाजमे पारल मनोवैज्ञानिक प्रभाव तथा निराकणबारे मनोपरामर्शकर्ता अनत चौधरी प्रशिक्षण डेहल रहिट ।
कार्यक्रममे ओजरार मिडिया प्रालिके सञ्चालक राम दहित स्वागत मनतब्य राखल रहिट । कार्यक्रमके सहजीकरण फोनिज कैलाली अध्यक्ष तथा पत्रकार लखन चौधरी करल रहिट । कार्यक्रममे कार्यपालिका सदस्य, वडा सदस्य, स्वास्थ्य चौकीके इन्चार्ज ओ स्वास्थ्यकर्मी लगायतके सहभागिता रहल रहे ।