थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

जसपासे विकृति रोक्न माग

पहुरा | १६ असार २०७७, मंगलवार
जसपासे विकृति रोक्न माग

पहुरा समाचारदाता
धनगढी, १६ असार ।
जनता समाजवादी पार्टी नेपाल प्रदेश नम्बर ७ से नेपालीसंग भोज कैना विदेशीहे सहजरुपमे नागरिकता प्रदान कैना करले बा ।
पार्टीके सुदूरपश्चिम प्रदेश कमिटीसे मंगरके रोज धनगढीमे विरोध ¥याली निकरटी जिल्ला प्रशासन कार्यालय मार्फत प्रधानमन्त्रीहे केपी शर्मा ओलीहे ११ बुँदे माग सहित ज्ञापनपत्र बुझैले बा । ज्ञापनपत्रमे नेपालमे स्थायी रुपमे बसोबास करल विदेशी नागरिक अपन मुलुकके नागरिकता त्याग कैना कारवाही चलाइल प्रमाणके आधारमे बैवाहिक अगिंकृत नेपाली नागरिकता प्रदान कैना माग कैगिल बा ।
ओस्टेक विदेशीहे अंगिकृत नागरिकता प्रदान कैना सम्बन्धमे रहल लैंगिक विभेदके अन्त्य कैना माग करले बा । ज्ञापनपत्रमे विदेशी सेनामे कार्यरत नेपालीहे गैर नागरिक बनैना प्रावधानके खारेजी, सांसद रेशम चौधरी लगायत सक्कु राजबन्दीके झुठामुद्दा फिर्ताके साथे रिहाई करे पर्ना, सरकारके आडमे हुइटी रहल हत्या, हिंसा ओ भ्रष्छाचार कैसिन अपराधके घटनाके अन्त्य करे पर्ना, लकडाउनके बेलाके कर तथा व्याज मिनाह कैना लगायतके माग जनता समाजबादी पार्टी आघे सरले बा ।

ओस्टेक करके क्वारिन्टीनहे व्यवस्थित कैनाके साथे क्वारिन्टीनमे धारल सक्कुहुनहे पिसिआर विधि मार्फत चेकजाँच करे पर्ना, किसानहुकनके लाग अति आवश्यक रसायायिक मल, उन्नत विउ विन तत्काल आपूर्तिके व्यवस्था करे पर्ना, सुकुम्बासी, मुक्तकमैया, हलियाहुकनहे उचित व्यवस्थान करटी तत्काल राहतके व्यवस्था करे पर्ना, लिम्पियाधुरा, लिपुलेक, कालापानीमे धारल भारतिय सेना तत्काल फिर्ता करके नेपाली भूमिहे अपन स्वामित्वमे लेहे पर्ना मागपत्र बुझाइल जसपा सुदूरपश्चिम प्रदेश कमिटी जनैले बा ।

जनाअवजको टिप्पणीहरू