कोरोनासे बच्ना होसपूर्ण सतर्कता आवश्यकः उपप्रमुख भट्ट

पहुरा समाचारदाता
धनगढी, १६ असार । धनगढी उपमहानगरपालिकाके उपप्रमुख सुशीला मिश्र भट्ट कोरोना भाइरस कोभिड १९ के संक्रमण हुई नइडेना होसपूर्ण सतर्कता आवश्यक रहल बटैले बाटी ।
मंगरके रोज धनगढी उपमहानगरपालिका, हेल्भेटास ओ ट्रेस प्रालिसे सुरक्षित आप्रवासन परियोजना अन्तगत योजना करल कोभिड १९ मे स्वास्थ्यकर्मीहुकनहे प्राथमिक मनोवैज्ञानिक सेवा सम्वन्धी अभिमूखीकरण कार्यक्रममे बोल्टी उपप्रमुख भट्टसे यैसिन धारणा राखल हुइट ।
डरसे सतर्कता अपनैलेसे होसपूर्ण हुई नइसेकी उपप्रमुख भट्ट कहली, टबमारे मै मास्क लगैनु की नइलगैनु, हात धुइनु की नइधुइनु, कहु कोरोनाके जोखिम हुइना बाट छुवल कना जैसिन बाटमे होस पुगाई परठ । उपप्रमुख भट्ट जटिल अवस्थामे सेवा कैना बाट भारी हुइलेसेफे सतर्कताके साथ काम कैना मजा हुइना बटैली ।
उपप्रमुख भट्ट कोभिडके रोकथाम, चेकजाँचमे खटल स्वास्थ्यकर्मीमे मनोवैज्ञानकि प्रभाव परल बटैली । सक्कु ओर यकर प्रभाव परले बा ।