सपुवक कटाईसे महिलाके मृत्यु

पहुरा समाचारदाता
धनगढी, १८ असार । कैलालीके धनगढी उपमहानगरपालिका वडा नम्बर ९ के एक महिलाके सपुवक कटाईसे मृत्यु हुईल बा । प्रहरीके अनुसार ३५ वर्षीया सम्पतुदेवी रानाके सपुवाक कटाईसे मृत्यु हुइल हो । अस्पताल पुगैना ढिलाइ करेबेर रानाके मृत्यु हुइल बा । उहाँहे अपने घरेक कोठामे बुधके साँझ करिब ६ बजे सपुवा कटाल रहे । समयमे अस्पताल पुगाई नइसेक्के उहाँक मृत्यु हुइल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतिक विष्ट बटैलै ।
‘साँझ ६ बजे सपुव काटल मने रात १ः३० बजे केल अस्पताल नानल जानकारी पैली उहाँ, ‘अस्पताल मृत घोषणा करल ।’
पछिल्का समय कैलाली ओ कञ्चनपुरमे सर्पदंशके घटना बह्रे लागल बा । कञ्चनपुरके भीमदत्त नगरपालिकामे मंगर रात विषाहा सपुवक कटाईसे १४ वर्षीय पर्वत गिरीके मृत्यु हुइल रहे । ओकरपाछे सर्पदंशके कारण असार १४ गते कञ्चनपुरके शुक्लाफाँटा नगरपालिका वडा नम्बर १२ कालागौडीके ५ वर्षीया बालिका पुनम बोहराके फे मृत्यु हुइल रहे ।