थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

७४० जनहनमे कोरोना संक्रमण पुष्टि

पहुरा | १९ असार २०७७, शुक्रबार
७४० जनहनमे कोरोना संक्रमण पुष्टि

पहुरा समाचारदाता
धनगढी, १९ असार ।
पछिल्का २४ घन्टामे नेपालमे ७ सय ४० जनहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे शुकके आयोजना करल नियमित कोभिड–१९ प्रेस ब्रिफिङमे पछिल्का २४ घन्टामे ७ सय ४० जनहनमे कोरोना संक्रमण पुष्टि हुइल जानकारी डेहल हो । यी संगे नेपालमे संक्रमितके संख्या १५ हजार २ सय ५९ पुगल बा ।
शुकसम पछिल्का २४ घन्टामे ४ हजार ४ सय ८३ पीसीआर परीक्षण करल बा । हालसम जम्मा २ लाख ४२ हजार २ सय ४७ पीसीआर परीक्षण हुइल मन्त्रालयके प्रवक्ता डा जागेश्वर गौतम जानकारी डेलै ।
ओस्टेक करके क्वारेन्टाइनमे ३५ हजार ४ सय ७२ जाने रहल बाटै । ओस्टेक आइसोलेसनमे ९ हजार ८४ जाने संक्रमित उपचाररत बाटै ।
पछिल्का २४ घन्टामे ८ सय २३ जाने ठिक हुके घर लौटसेकल बाटै । हालसम ठिक हुइलके संख्या ६ हजार १ सय ४३ पुगल बा ।

संक्रमित हुइलके जिल्लागत तथ्यांक
अछामके २३०, बैतडीके ४०, बाजुराके ४७, डोटीके २४, कञ्चनपुरके ४५, डडेलधुराके २८, बाजुराके ६, कैलालीके ५८, बझाङके १४, डोटी २३, नवलपरासीके १९, पर्साके १, चितवनके १, रौटहटके २९, बागलुङके १ जाने बाटै । ओस्टेक पर्वतके ३, तनहुँ ९, कास्कीके २ , उदयपुरके ५, झापाके २८ , मोरङके ५, सिरहा २४, सप्तरी ८, धनुषाके १६, महोत्तरीके ६, पर्साके १, कपिलवस्तुके ८, नवलपरासीके ९, सर्लाहीके १, सिन्धुपाल्चोकके १, पाल्पा १, सल्यानके ८, बर्दियाके १०, दैलेखके १२, दाङके ९, रोल्पा १, सुर्खेतके ६ ओ कालिकोट १ जाने रहल बाटै ।

अछाममे एक्के दिन २०९ जहनमे कोरोना पुष्टि
कोरोना संक्रमणके आशंकामे थ्रोट स्वाब परीक्षणके क्रममे शुकके रोज अछामके २०९ जनामे कोरोना संक्रमण पुष्टि हुइल बा । अछामके टमान स्थानसे थ्रोट स्वाब संकलन कैके राष्ट्रिय प्रयोगशाला टेकु, पाटन अस्पताल ओ सेती प्रादेशिक अस्पतालमे कोरोना संक्रमण परीक्षण करल बिहान, दिन ओ साँझ कैके ३ चरणमे प्राप्त विवरणमे एक्के दिन भारी संख्यामे संक्रमित पुष्टि पागिल बा ।
संक्रमित हुइनामे साँफेबगर नगरपालिकामे ५२ जाने, चौरपाटी गाउँपालिकामे २४ जाने, ढकारी गाउँपालिकामे २७ जाने, मंगलसेन नगरपालिकामे २९ जाने, तुर्माखाँद गाउँपालिकामे १९ जाने, मेल्लेख गाउँपालिकामे १५ जाने नयाँ कोरोना संक्रमित फेला परल बाटै । अस्टेक बान्नीगढी जयगढ गाउँपालिकामे २९ जाने, कमलबजारमे ७ जाने ओ पञ्चदेवल विनायक नगरपालिकामे ६ जाने नयाँ संक्रमित पुष्टि हुइल जिल्ला स्वास्थ्य कार्यालय अछामके सूचना अधिकारी देव जोशी जानकारी डेलै ।
कोरोना संक्रमण पुष्टि हुइल नतिजा अइना क्रम जारी रहलओरसे विवरण भिडान हुइटीरहल बटागिल बा । संक्रमित पुष्टि हुके स्वास्थ्य अवस्था सामान्य रहल व्यक्तिहे सम्बन्धित स्थानीय तहमे निर्माण करल आइसोलेसनमे रख्ना काम हुइटीरहल कार्यालयके कहाइ बा । स्वास्थ्यमे प्रतिकूलता अइलमे स्वास्थ्य मन्त्रालयसे कोरोना संक्रमण उपचार करना तोकल जिल्ला अस्पतालमे नान्के उपचार करजिना बटागिल बा ।
नयाँ थपल २०९ जानेसहित अछाममे कोरोना संक्रमितके संख्या ५२१ जाने पुगल बा । कोरोना संक्रमित हुके उपचारपाछे अछाममे ४५ जाने व्यक्ति कोरोना संक्रमण जितके घर जासेकल बाटै कलेसे ७९३ जानेक् स्वाब परीक्षणके क्रममे रहल बाटै । संक्रमित हुइनामे अधिकांश भारतसे आके क्वारेन्टाइनमे बैठल व्यक्ति रहल बटागिल बा ।

जनाअवजको टिप्पणीहरू