थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

निर्माण व्यवसायी सेठी सम्मानित

पहुरा | २० असार २०७७, शनिबार
निर्माण व्यवसायी सेठी सम्मानित

पहुरा समाचारदाता
धनगढी, २० असार ।
कैलालीके निर्माण व्यवसायी प्रकाश सेठी १४ औँचो सम्मानित हुइल बाटै ।
जिल्ला प्रहरी कार्यालय नवलपुरके भवन सम्झौता अवधी ओरैना तीन महिना अगावै सम्पन्न करलपाछे नेपाल प्रहरीके प्रहरी महानिरीक्षक आईजीपी ठाकुरप्रसाद ज्ञवालीसे सेठी सम्मानित हुइल हुइट ।
राजेन्द्र रोयल जेभीके सञ्चालक सेठी ठेक्का सम्झौता ओरैना तीन महिना अगावै गत चैतमे काम सम्पन्न करलपाछे आईजिपी ज्ञवालीसे प्रशंसा पत्र ओ बोनस सहित सम्मान हुइल हुइट । सेठी एक करोड ९१ लाखमे भवनके निर्माण ओराइल बटैलै ।
उहाँ २०७५ सालके फागुनमे ठेक्का सम्झौता होके गत चैतमे तीन महिना अगावै काम सम्पन्न हुइलेसे फेन ढिला उद्घाटन हुइल बटैलै । निर्माण व्यवसायी सेठी यिहीसे आघे निर्धारित समय अगावै काम सम्पन्न हुइलपाछे १३ चो सम्मानित ओ पुरष्कृत होसेकल बाटै ।
सेठीके अनुसार यिहीसे आघे शहरी विकास तथा भवन निर्माण विभाग संघिय आयोजना कार्यान्वयन ईकाई धनगढीसे कार्यान्वयन हुइल टीकापुर बसपार्क, कञ्चनपुरके त्रिभुवन बस्ती स्वास्थ्य चौकी भवन, कालिका स्वास्थ्य चौकी भवनके काम फेन सम्झौता आघे नै सम्पन्न करलपाछे सम्मानित हुइल रहिट ।
ओस्टके पुर्नवास नगरपालिका भवन, सुर्खेतके मेलकुना सिटी हल, उच्च सरकारी वकिलके कार्यालय भवन सुर्खेत, उच्च सरकारी वकिलके कार्यालय भवन नेपालगञ्ज, सुर्खेतके गुमी स्वास्थ्य चौकी भवन, सानीलेक स्वास्थ्य चौकी भवन, घाटगाउँ स्वास्थ्यचौकी भवन, दहचौर स्वास्थ्य चौकी भवन सुर्खेत ओ सुर्खेतके रानीबास स्वास्थ्य चौकी भवनके काम फेन सम्झौता अवधी आघे नै सम्पन्न कैके हस्तान्तरण करल रहे ।

जनाअवजको टिप्पणीहरू