थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिममे ५९ कोरोना संक्रमित ठप्लै

पहुरा | २० असार २०७७, शनिबार
सुदूरपश्चिममे ५९ कोरोना संक्रमित ठप्लै

पहुरा समाचारदाता
धनगढी, २० असार ।
पछिल्का २४ घण्टाके अवधीमे सुदूरपश्चिममे थप ५९ जनहनमे कोरोना संक्रमण पुष्टि हुइल बा ।
राष्ट्रिय जनस्वास्थ्य प्रयोगशाला काठामडौँमे ४९ ओ धनगढी प्रयोगशालामे १० करके ५९ जनहनमे कोरोना पुष्टि हुइल हो । यी संगे सुदूरपश्चिममे तीन हजार पाँच सय ९४ जाने कोरोना संक्रमिट पुगल बाटै ।
राष्ट्रिय जनस्वास्थ्य प्रयोगशालामे हुइल परीक्षणमे अछामके ३७, कञ्चनपुरके ६, डोटी ओ डडेल्धुराके तीन÷तीन जनहनमे कोरोना पुष्टि हुइल स्वास्थ्य तथा जनसङख्या मन्त्रालयके प्रवक्ता डाक्टर जागेश्वर गौतम बटैलै ।
ओस्टेक धनगढी प्रयोगशालामे हुइल परीक्षणमे ६ पुरुष ओ चार महिला करके १० जनहनमे कोरोना पुष्टि हुइल बा ।
जेम्ने महाकाली नगरपालिका कञ्चनपुरके चार, डोटीके तीन, धनगढी उपमहानगरपालिका–२ के एक, बैतडीके दशरथचन्दके एक जाने ओ अछामके चौरपाटी गाउँपालिकाके एक जनहनमे कोरोना पुष्टि हुइल सेती अस्पतालके सूचना अधिकारी दिलिप कुमार श्रेष्ठ बटैलै । सुदूरपश्चिमके संक्रमित मध्ये ७ जनेक मृत्यु हुसेकल बा कलेसे पाँच सय ८६ जाने डिस्चार्ज हुइल बाटै । शनिच्चर टिकापुर अस्पतालसे १३ जाने अछामसे एक जाने करके १४ जाने डिस्चार्ज हुइल बाटै ।

क्वारेन्टाइनसे घर जाके मृत्यु हुइल महिलाके कोरोना रिपोर्ट नेगेटिभ
कैलालीके गोदावरी नगरपालिका वडा नं १० मे मृत्यु हुइल महिलाके कोरोना रिपोर्ट नेगेटिभ आइल बा । यिहे जेठ २६ गते भारतके सुरतसे गोसिया, छाई ओ पटुहियासंगे नेपाल आइल ४८ बर्षिय ललिता नेपालीके शुकके साँझ घरेम मृत्यु हुइल रहे ।
१४ दिन क्वारेन्टाइनमे बैठके घर गैल उहाँक होम क्वारेन्टाइनमे मृत्यु हुइलपाछे शुकके रात पिसिआर परिक्षणके लाग स्वाब संकलन करके धनगढी पठाइल रहे । शनिच्चरके धनगढीके प्रयोगशालामे हुइल परिक्षणमे उहाँक कोरोना रिपोर्ट नेगेटिभ आइल गोदावरी नगरपालिका स्वास्थ्य शाखासे जनैले बा ।
यी आघे उहाँक आरडिटी रिपोर्टफे नेगेटिभ आइल रहे । उहाँ प्रेसर ओ प्यारालाईसिसके बिरामी रहिट । ओक्रे उपचारके लाग उहाँ परिवार सहित भारतमे गैल नगरपालिकाके स्वास्थ्य शाखासे जनैले बा । रिपोर्ट आइलपाछे परिवारके सदस्य उहाँक दाहसंस्कारके तयारी करले बाटै ।

२३२ जहनमे कोरोना संक्रमण पुष्टि, थप दुई जनेक मृत्यु
पछिल्का २४ घण्टामे थप २३२ जनहनमे कोरोना भाइरस (कोभिड–१९) के संक्रमण पुष्टि हुइल बा ।
देशभरके प्रयोगशालामे ४ हजार ५० नमुना परीक्षण करेबेर ओइनमे कोरोना संक्रमण पुष्टि हुइल हो । यी संगे नेपालमे कोरोना संक्रमितके संख्या १५ हजार ४९१ पुगल स्वास्थ्य तथा जनसंख्या मन्त्रालय जनैले बा ।
थप दुई जनेक मृत्यु स्वास्थ्य तथा जनसंख्या मन्त्रालयके अनुसार कोरोना संक्रमणसे थप दुई जनेक मृत्यु हुइल पुष्टि हुइल बा । गोरखा, पालुङटारके ४४ वर्षीय पुरुष ओ रुपन्देही, देवदेहके ७५ वर्षीय पुरुषके कोरोना संक्रमणसे मृत्यु हुइल हो ।
पालुङटारके पुरुष १६ गते कतारसे आइल रहिट । पालुङटारके जीवनज्योति माविके क्वारेन्टिनमे बैठेबेर स्वास्थ्य बिग्रटी गैलपाछे जिल्ला अस्पतालके आइसोलेनमे भर्ना करल रहे । उपचारके क्रममे कोरोना संक्रमण पुष्टि हुइल । उहाँक २० असारके दिन विहान ५ बजके ५ मिनेटमे निधन हुइल अस्पताल जनैले बा ।
देवहदके पुरुष क्षयरोगके उपचारके लाग १४ गते त्रिवि शिक्षण अस्पतालमे भर्ना हुइल रहिट । उपचारके क्रममे उहाँक १७ गते निधन हुइल । ओकर दुुसर दिन उहाँकमे कोरोना संक्रमण पुष्टि हुइल मन्त्रालय जनैले बा । यी संगे नेपालमे कोरोना संक्रमणके कारण मृत्यु हुइलके संख्या ३४ पुगल बा ।
कहाँ कटरा थप्लै संक्रमित ?
मन्त्रालयके अनुसार अछामके ३७, कञ्चनपुरके ६, डोटी ओ डडेल्धुराके तीन÷तीन जनहनमे कोरोना पुष्टि हुइल स्वास्थ्य तथा जनसङख्या मन्त्रालयके प्रवक्ता डाक्टर जागेश्वर गौतम बटैलै ।
ओस्टेक धनगढी प्रयोगशालामे हुइल परीक्षणमे ६ पुरुष ओ चार महिला करके १० जनहनमे कोरोना पुष्टि हुइल बा ।
जेम्ने महाकाली नगरपालिका कञ्चनपुरके चार, डोटीके तीन, धनगढी उपमहानगरपालिका–२ के एक, बैतडीके दशरथचन्दके एक जाने ओ अछामके चौरपाटी गाउँपालिकाके एक जनहनमे कोरोना पुष्टि हुइल बा ।
अस्टेक, सप्तरीके ३६ जनहनमे कोरोना संक्रमण पुष्टि हुइल बा । ओस्टेक सिराहाके २१, पाल्पाके १९, सर्लाहीके १६, धनुषाके १५, सिन्धुपाल्चोकके १२, गुल्मीके ९, नवलपुर ७ ओ प्युठान, मोरङ, चितवनके ६ जनहनके रिपोर्टफे पोजेटिभ आइल बा । बाँके ओ झापाके ५÷५ जाने, रुपन्देही ओ नवलपरासीके ४÷४ जाने, बाग्लुङ, म्यादी, प्युठान ओ रोल्पाके २÷२ जाने तथा दैलेख, इलाम, स्याङजा ओ तनहुँके एकएक जनहनमेफे संक्रमण पुष्टि हुइल बा । यी संगे कुल संक्रमितके सख्ंया १५ हजार ४९१ पुगल बा । ओइनमन्से ३४ जनेक मृत्यु हुइल बा कलेसे ६ हजार ४१५ जाने डिस्चार्ज हुइल बा । पछिल्का २४ घण्टामे टमान अस्पताल तथा आइसोलेसेन सेन्टरसे २७२ जाने डिस्चार्ज हुइल बाटै ।

जनाअवजको टिप्पणीहरू