क्वारेन्टिन व्यवस्थापनके लाग स्वास्थ्य सुरक्षा सामग्री हस्तान्तरण
पहुरा समाचारदाता
धनगढी,२१ असार । कैलाली जिल्लाके नौ विद्यालयमे रहल क्वारेन्टिन व्यवस्थापनके लाग स्वास्थ्य सुरक्षा सामग्री हस्तान्तरण कैगिल बा ।
सामाजिक विकासका लागि सचेत तथा केयर नेपालके साझेदारीमे संचालित स्टार्ट फाउण्ड नेपाल अलर्ट २०२० परियोजनासे कैलारी गाउँपालिका, भजनी ओ धनगढी उपमहानगरपालिकाके ९ विद्यालयमे रहल क्वारेन्टिन व्यवस्थापनके लाग सुरक्षा स्वास्थ्य सामग्री हस्तान्तरण करल हो । कैलारीके दिपेन्द्र मावि, अपरम्पार आधारभूत विद्यालय, गरिमा आधारभूत विद्यालय रहल क्वारेन्टिन व्यवस्थापन तथा स्वास्थ्य सामग्री हस्तान्तरण करल बा ।
ओस्टेक भजनीके मोहन्याल बहुमुखी क्याम्पस, राष्ट्रिय मावि भजनी, सरस्वती मावि, राष्ट्रिय मावि पल्टुपुर, कृष्णध्वज मावि गोडचौरामे रहल क्वारेटाइनमे क्वारेन्टिन व्यवस्थापन तथा स्वास्थ्य सामग्री हस्तान्तरण करल बा ।
ओस्टेक धनगढी उपमहानगरपालिकामे रहल दुई ठो अप्रवासी बैठना होल्डिङ सेन्टर नवदुर्गा माविमे उ सामग्री हस्तान्तरण कैगिल बा । तिनु स्थानीय तहके १ सय ८१ जनहनहे व्यक्तिगत सुरक्षा सामग्री कोल्गेट ब्रस, साबुन, मास्क, टवेल लगायत सामग्री हस्तान्तरण करल बा । स्वास्थ्य सामग्री महिला, पुरुषके अलग–अलग रहल जनागिल बा ।
क्वारेन्टिनमे कार्पेट, पिफर्म, फुहर फेक्ना बाल्टी, पंखा गम्बुट, ग्लोव, चप्पल, विलिजिङ पाउडर, प्राथमिक उपचार बक्स, थर्मोगन लगायत सामग्री हस्तान्तरण करल बा ।
एक विद्यालयहे ३८ हजार ६ सय ७४ रुप्या बराबरके सामग्री हस्तान्तरण करल सामाजिक विकासका लागि सचेतके मिनबहादुर हुडके बटैलै । स्वास्थ्य सुरक्षा सामग्री हस्तान्तरण कैलारीमे गाउँपालिका अध्यक्ष लाजुराम चौधरी, भजनीमे नगरप्रमुख शेरबहादुर चौधरी लगायत क्वारेन्टिन व्यवस्थापन तथा स्वास्थ्य संयोजकहुकनहे हस्तान्तरण करल दिपु चौधरी बटैलै ।
