थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

भारत बनल विश्वके तेसर उच्च संक्रमित मुलुक

पहुरा | २२ असार २०७७, सोमबार
भारत बनल विश्वके तेसर उच्च संक्रमित मुलुक

काठमाडौं, २२ असार । भारतके कोरोना भाइरससे संक्रमितके संख्या ६ लाख ९७ हजार नाघल बा । यीसँगै भारत विश्वके सबसे ढेर संक्रमण हुइना मुलुकके सूचीमे रुसहे पाछे परटी तेसर नम्बरमे उच्याइल बा । सोम्मार बिहानसममे भारतमे ६ लाख ९७ हजार ८३६ जहनमे संक्रमण पुष्टि हुइल बा ।
रुसमे आज बिहानसम संक्रमितके संख्या ६ लाख ८१ हजार २५१ रहल बा । विश्वमे सबसे ढेर संक्रमण रहल मुलुकमे पहिल नम्बरमे अमेरिका ओ दोसरमे ब्राजिल बा ।
भारतमे १ जुनसे लकडाउनहे खुकुलो पारलसँगे संक्रमणमे तीव्र वृद्धि हुइटी बा । भारतमे पछिल्का एक दिनमे किल करिब पच्चीस हजार कोरोना भाइरसके नयाँ संक्रमित थपल बाटै । भारतके ३६ ठो राज्य तथा केन्द्र शासित प्रदेशमध्ये संक्रमितके संख्या सबसे उच्च रहनामे महाराष्ट्र, तमिलनाडु ओ दिल्ली बा । संक्रमण बह्रना क्रमसँगे मृत्यु हुइनाके संख्या फेन बह्रल बा ।
भारतमे हालसम १९ हजार ७०० जाने कोरोना भाइरसके संक्रमणसे ज्यान गुमैले बाटै । संक्रमितमध्ये ४ लाखसे ढेर उपचारपाछे निको समेत हुसेकल बाटै ।
यीबीच दक्षिण भारतीय राज्य केरलासे कोरोना भाइरसके संक्रमणके जोखिम न्यून करना आगामी एक वर्षके लाग कोभिड–१९ सुरक्षा निर्देशिका जारी करले बा । जोनअनुसार एक वर्षसम सार्वजनिक स्थलमे मास्क ओ सामाजिक दूरी अनिवार्य करल बा । सार्वजनिकस्थलमे मास्क नैलगाइलहे १० हजार भारतीय रुपैयाँ जरिवाना तोकल बा । अस्टेक वैवाहिक कार्यक्रममे ढेरमे ५० जाने ओ मलामीमे २० जानेसे ढेर भेला नैहुइना नियम बनाइल बा । साथे प्रशासनके अनुमतिबिना धर्ना, जुलुस वा भेला निषेध करल बा । अस्टेक कार्यक्रममे दश जानेसे ढेर जम्मा हुइ पैना नाइहो । कौनो फेन पसलमे एक चोटमे बीस जानेसे ढेर ग्राहकहे निषेध करल बा । अस्टेक सार्वजनिक स्थलमे थुक्न पूर्णरुपमे निषेध करल बा ।
भारतमे कोरोना संक्रमणके पहिल केस केरलामे गत ३० जनवरीमे पहिचान देखल रहे । कोरोना महामारी रोकथामके काम प्रभावकारी हुइल कारण उहाँ हालसम पाँच हजार दुई सय जहनमे किल संक्रमण पुष्टि हुइल बा । जोनमध्ये तीन हजारसे बढी निको हुसेकल बाटै ।

जनाअवजको टिप्पणीहरू