थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

हुलाकी राजमार्ग निर्माणमे अवरोध

पहुरा | २२ असार २०७७, सोमबार
हुलाकी राजमार्ग निर्माणमे अवरोध

कञ्चनपुर, २२ असार । भारतीय पक्षसे कञ्चनपुरमे बन्टी रहल हुलाकी राजमार्ग निर्माणमे अबरोध करले बाटै ।
अँट्वारके भारतीय सुरक्षाकर्मी सहित प्रशासनिक अधिकारीके समुह बेलौरीस्थित निर्माण स्थलमे आके सडक अवरोध करल हुइट । कञ्चनपुरके बेलौरी नगरपालिका ८ पचुई क्षेत्रमे भारतीय पक्षसे अनावश्यक विवाद सिर्जना कैके हुलाकी सडक कालोपत्रेके काम अवरोध करल स्थानीय बटैले बाटै । भारतीय पक्षसे यिहीसे आघे फेन गत असारमे सडक निर्माण कम्पनीहे विवादित भूमी कहटी काम नाइ कैना दवाव डेहल रहे । अँट्वारके फेन भारतीय सुरक्षा बल (एसएसबी)सहित भारतीय प्रशासनिक अधिकारी आके निर्माण हुइटी रहल काम रोकल रहिट ।
स्थानीय एव शिक्षक बुद्धिजिवी विवेक लम्साल भारतीय रबैया ओ दादागिरीशैली डेखैटी नेपाली भूमिमे आके सडक निर्माण कार्य रोकल बटैलै ।‘बरवार फौज जत्था लेके आइल रहिट, ‘उहाँ कहलै, ‘सडकके काम रोकके गैलै ।’ निर्माण कम्पनीसे काम नाइ कैना कहलपाछे अँट्वारसे काम रोकल बा । भारतीय पक्षसे आघे सारल कदम निन्दनिय रहल उहाँ बटैलै ।
भारतीय एसएसबीसे सडक निर्माण कम्पनी बाबाहंस सिद्धिकीके सञ्चालक चक्र शाहहे उक्त सडकखण्ड निर्माण नाइ कैना दवाव डेहलपाछे काम रोकल हो । भारतीय पक्षसे रिफ्रेन्स पिलर ३८ हे सीमा पिलर मानके अनावश्क विवाद झिक्टी आइल बा । गैल बरस ग्राभिलिङ्ग करेबर भारतीय पक्ष अवरोध करल रेह । यी बेर कालोपत्रे तयारी करेबर रोकल निर्माण कम्पनीके संचालक शाह बटैलै ।
नेपाली अधिकारी भारतीय पक्षसे अवरोध करल हुलाकी राजमार्ग बारे भारतीय पक्षसे वार्ता करजैना बटैले बाटै । बेलौरी नगरपालिकाके नगरप्रमुख पोतिलाल चौधरी यी बारेम नेपाली सुरक्षा अधिकारी, प्रशासन सहितके टोली भारतीय पक्षसे संयुक्त वार्ता कैके निकास निकर्ना बटैलै ।

जनाअवजको टिप्पणीहरू