थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

सुदूरपश्चिममे १११ मे कोरोना पुष्टि

पहुरा | २३ असार २०७७, मंगलवार
सुदूरपश्चिममे १११ मे कोरोना पुष्टि

पहुरा समाचारदाता
धनगढी,२३ असार ।
सुदूरपश्चिम प्रदेशमे १ सय ११ जनहनमे कोरोना संक्रमित ठपल बाटै । पछिल्का २४ घण्टामे राष्ट्रिय जनस्वास्थ्य प्रयोगशालामे २९ जाने, धुलीखेल अस्पताल काठमाडौं प्रयोगशालामे ५४ जाने, सेती प्रादेशिक अस्पताल धनगढी प्रयोगशालामे २२ जाने ओ डडेल्धुरा अस्पताल प्रयोगशालामे ६ जाने करके मंगरके रोज १ सय ११ जाने नयाँ संक्रमित ठपल स्वास्थ्य मन्त्रालयके नियमित पत्रकार सम्मेलनमे जानकारी डेहल बा ।
नियमित मिडिया विफ्रिङमे डेहल जानकारी अनुसार राष्ट्रिय जनस्वास्थ्य प्रयोगशालामे अछाममे ११ जाने, बैतडीके ११ जाने ओ डोटीके ७ जनहनमे कोरोना संक्रमण पुष्टि हुइल हो । ओस्टेक धुलीखेल अस्पताल काठमाडौंमे बाजुराके ५४ जनहनमे संक्रमण पुष्टि हुइल स्वास्थ्य मन्त्रालय जनैले बा ।
ओस्टेक डडेल्धुरा अस्पतालके प्रयोगशालामे डडेल्धुराके ६ जनहनमे कोरोना पुष्टि हुइल मन्त्रालय जानकारी डेहल बा । ओस्टेक करके सेती प्रादेशिक अस्पतालके प्रयोगशालामे करल परिक्षणमे ८ महिला ओ १४ पुरुष करके २२ जनहनमे कोरोना पुष्टि हुइल बा ।
सेती प्रादेशिक अस्पताल धनगढीके अनुसार मंगर थपल संक्रमितमे अछामके मेल्लेख गाउँपालिकाके २ महिला ३ पुरुष करके ५ जाने, कैलालीके लम्की चुहाके ३ महिला १० पुरुष करके १३ जाने ओ कैलालीके गोदावरी नगरपालिकाके ३ महिला १ पुरुष करके ४ जनहनमे कोरोना संक्रमण पुष्टि हुइल बा ।

जनाअवजको टिप्पणीहरू