सरिता गिरी समाजवादी पार्टीसे निष्कासित, सांसद पद गैल

काठमाण्डौं, २३ असार । समाजवादी पार्टीसे नेतृ सरिता गिरीहे निष्कासन करल बा । यकरसंगे गिरीके सांसद पदसे समेत पदमुक्त हुइल बाटी ।
पार्टी महासचिव रामसहायप्रसाद यादवके नेतृत्वमे बनल तीन सदस्यीय कार्यदलसे गिरीहे कारबाही कैना सिफारिस करल रहे । ओहे अनुसार कारबाहीके निर्णय हुइल समाजवादी पार्टीके नेता मोहम्मद इस्तियाक राई जानकारी डेलै ।
लिम्पियाधुरा, कालापानी ओ लिपुलेक क्षेत्र समेटल लौव नक्साअनुसार निशान छाप परिवर्तन कैना सरकारसे लानल संविधान संशोधन विधेयकमे गिरी संशोधन प्रस्ताव दर्ता कराइल रही ।
पार्टीसे संशोधन फिर्ता लेना ओ विधेयकके पक्षमे मतदान कैना निर्देशन डेलेसे फेन उहाँ अटेर करल रही ।