सीएसएसडीसे स्वास्थ्य सामग्री सहयोग

हसुलिया, २४ असार । सामाजिक विकासके लाग सचेत समाज (सीएसएसडी) कैलालीसे ४५ हजार आठ सय रुपैयाँ बराबरके स्वास्थ्य सामग्री कैलारी गाउँपालिकाहे सहयोग करले बा ।
क्वारेन्टाइन ओ आइसोलेसन व्यवस्थापनके लाग उ संस्थासे सहयोग करल हो । सीएसएसडीके प्रतिनिधि दुर्गा चौधरी गाउँपालिकाके सामाजिक विकास शाखा अधिकृत यगम कलेलहे सामग्री हस्तान्तरण करल रही ।
उ क्रममे गाउँपालिकाके स्वास्थ्य शाखा प्रमुख विरेन्द्र सापकोटा, योजना शाखा प्रमुख सन्तोषकुमार चौधरीके उपस्थिति रहल रहे ।
सीएसएसडीसे सेनिटाइजर, साबुन, मास्क, सेनिटरी प्याड, क्लोरिन लगायतके सामग्री सहयोग करल हो ।