थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

प्रतिपक्षके नाराबाजीकेबीच सुदूरपश्चिमके बजेट पारित

पहुरा | २४ असार २०७७, बुधबार
प्रतिपक्षके नाराबाजीकेबीच सुदूरपश्चिमके बजेट पारित

धनगढी, २४ असार । प्रमुख प्रतिपक्ष दल नेपाली काँग्रेस ओ जनता समाजवादी पार्टीके विरोधके बीच सुदूरपश्चिम प्रदेश सरकारके आव २०७७÷२०७८ के बजेट प्रदेश सभासे पारित हुइल बा ।

बुधके रोज बिहान नाराबाजीके बीच २ ठो बैठक सञ्चालन हुइल सुदूरपश्चिम प्रदेश सभामे दुपहर भर सभामुख अर्जुनबहादुर थापा सुरुमे उ आँट करे नैसेख्लै । ९ मिनेटसम बैठकमे प्रतिपक्षी दल नाराबाजी करलपाछे सभामुख कारबाही आघे नैबह्रैलै ।

२ बज के १२ मिनेटमे सुरु हुइल प्रतिपक्षीके नाराबाजी २ः२० सम कुछ नैबोलके सुन्टी रहल सभामुख थापा ओकरपाछे ‘माननीय सदस्यहुक्रे अप्नेहुक्रे मिच्छागिल हुइबी’ कहलपाछे फेन उहाँहुकनके नाराबाजी नैरुकल ।

अन्ततः सभामुख थापा प्रतिपक्ष दलके निरन्तरके नाराबाजीके बीच बजेट बहुमुतसे पारित हुइल घोषणा करल हुइट । सुदूरपश्चिम प्रदेश सरकार आगामी आर्थिक वर्ष ०७७÷७८ के लाग ३३ अर्ब ३८ करोडके बजेट नन्ले बा ।

प्रदेश सरकार ३३ अर्ब ३८ करोड १३ लाख ४८ हजार रुपैयाँके बजेट नन्ले बा । चालुओहोर १४ अर्ब १८ करोड ७८ लाख ओ पुँजीगत ओहोर १६ अर्ब ७५ करोड ८४ लाख बजेट विजियोजन करल हो ।

मने प्रमुख प्रतिपक्ष दल नेपाली काँग्रेस ओ जनता समाजवादी पार्टी प्रदेश सरकार कोरोनाके संक्रमण भयावह बन्लेसे फेन सरकार यकर रोकथाम, उपचार, व्यवस्थापनमे प्रभावकारी काम करेक लाग माग करल मने मागके कौनो सुनुवाइ नैकरके बहुमतके दम्भ देखाइल आरोप लगैले बाटै ।

प्रमुख प्रतिपक्षी दल नेपाली काँग्रेस संसदीय दलके नेता डा. रणबहादुर रावल प्रतिपक्षीसे राखल माग सुनुवाइ कर्नामे पूर्ण प्रतिबद्धता नैकरटसमम सरकारहे सहयोग नैकर्ना बटैलै ।

जनता समाजवादी पार्टीके प्रदेश सभा सदस्य कृष्णबहादुर चौधरी सरकार कोरोना भाइरस सक्रमण रोकथाम ओ व्यवस्थापनमे प्रभावकारी काम करे नैसेकल, टमान निकायमे हुइटी रहल भ्रष्टाचार ओ अनियमिता रोके नैसेकल, बजेट बाँडफाँटमे असमान व्यवहार करल, कोरोना भाइरसके रोकथामके लाग हुइल ५३ करोड खर्चके वास्तविक विवरण सदनहे जानकारी नैडेहलओरसे वाध्य होके अप्नेहुक्रे विरोधमे उत्रल बटैलै ।

गैल बरस फेन प्रतिपक्षके विरोधके बाबजुत प्रदेश सरकार बजेट नानल रहे । उ बेला प्रतिपक्ष दल बजेटके रातो किताब समेत जराइल रहे । मने पाछे प्रदेश सरकार प्रतिपक्षी दलके बजेट मार्फत माग सम्बोधन करलपाछे बजेट कार्यान्वयनमे गैल रहे ।

५३ सदस्यीय रहल सुदूरपश्चिम प्रदेशसभामे सत्तापक्ष नेपाल कम्युनिष्ट पार्टी (नेकपा) के ३९, प्रतिपक्षी नेपाली काँग्रेसके १२ ओ जनता समाजवादी पार्टीके २ जाने प्रदेश सभा सदस्य रहल बाटै ।

जनाअवजको टिप्पणीहरू