नेविसंघसे घोडाघोडीहे तीन बुदेँ ज्ञापनपत्र

पहुरा समाचारदाता
असार २४ सुखड । कैलालीके घोडाघोडी नगरपालिकाके सक्कु सडकहुकनके अवस्था दैनिय रहल कहटी नेपाल विद्यार्थी संघ घोडाघोडी नगर कमिटिसे नगरपालिकाहे ३ बुदेँ मागके ज्ञापनपत्र बुझैले बा । बुधके नेपाल विद्यार्थी संघ घोडाघोडी नगर कमिटिसे निमित्त प्रमुख प्रशासकीय अधिकृत खकेन्द्र बहादुर सिंहहे कार्यालयमे पुगके ज्ञापनपत्र बुझाइल हो ।
नेवि संघ सभापति कलकजंग सिंहसे हस्ताक्षरित ज्ञापनपत्रमे वडा नम्बर ११ के सक्कु रोड असार २५ गतेसम ग्राभेल हुसेके पर्ना, और वडामे रहल रोडके अवस्था हेरके फेर मर्मत करे पर्ना ओ नगरपालिकाके कार्यालय लगायत और ठाउँमे सामाजिक दुरी कायम करके कार्य कैना ओ करैना ज्ञापनपत्रमे कहल बा ।
साथे ज्ञापनपत्रमे सडकके विषयमे सामाजिक संजालसे लेके टमान संचार माध्यममे समाचार अइटी रहलेसेफे सम्बन्धित निकाय मौन ओ मुखदर्शक बन्ना अपनहीमे लज्जाके विषय हो, जनता रैटी ओ म यहाँक शासक हुँ कना सोचहे त्यागके समयमे सच्चिन नगरके सक्कु जनप्रतिनिध नेपाल विद्यार्थी संघ घोडाघोडी नगर कमिटि हार्दिक अनुरोध करटु । अन्यथा अपनेक गलत कार्य नेविसंघ टुलुटुलु हेरके नैबैठब ओ अपनेक सकारात्मक कार्यरत जनतामुखी योजनाके हम्रे साथे साथमे रहब ओ आवश्यक परल अवस्थामे सहयोग कैना तयार रहल ज्ञापनपत्रमे उल्लेख करल बा । ज्ञापनपत्र बुझटी नगरपालिकाके निमित्त प्रमुख प्रशासकीय अधिकृत सिंह हालीसे हाली सडक मर्मत सम्भार हुइना बटैलै ।