सुदूरपश्चिममे ९१ जनहनमे कोरोना पुष्टि
पहुरा समाचारदाता
धनगढी, २४ असार । सुदूरपश्चिममे ९१ जनहनमे कोरोना संक्रमण पुष्टि हुइल बा । सेती प्रादेशिक अस्पताल धनगढीके परिक्षणमे ३१ जाने, राष्ट्रिय जनस्वास्थ्य परिक्षण प्रयोगशशाला टेकुके परिक्षणमे ५८ जाने ओ डडेल्धुरा अस्पतालके परिक्षणमे २ जनहनमे कोरोना संक्रमण डेखल हो ।
धनगढीमे करल परिक्षणमे ५ ओ टेकुमे करल परिक्षणमे १७ जाने करके अछामके २२ जाने, टेकुके परिक्षणमे बैतडीके २ जाने, बझाङके ४ जाने ओ दार्चुलाके १ जनहनमे संक्रमण पुष्टि हुइल स्वास्थ्य मन्त्रालय बुधके करल नियमित मिडिया विफ्रिङमे डा. जागेश्वर गौतम बटैलै ।
मन्त्रालयके अनुसार धनगढीके परिक्षणमे ४ जाने ओ टेकुके परिक्षणमे ८ जाने करके डोटीके १२ जनहनमे, धनगढीके परिक्षणमे १७ जाने ओ टेकुके परिक्षणमे १९ जाने करके कैलालीके ३६ जनहनमे, धनगढीके परिक्षणमे ५ जाने ओ टेकुके परिक्षणमे ७ जाने करके कञ्चनपुरके १२ जनहनमे ओ डडेल्धुरामे करल परिक्षणमे डडेल्धुराके २ जनहनमे कोरोना संक्रमण पुष्टि हुइल बा ।
