थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

सिन्धुपाल्चोकमे बाह्रसे १५ घर पुहल, दुईके मृत्यु, १८ जाने बेपत्ता

पहुरा | २५ असार २०७७, बिहीबार
सिन्धुपाल्चोकमे बाह्रसे १५ घर पुहल, दुईके मृत्यु, १८ जाने बेपत्ता

सिन्धुपाल्चाेक, २५ असार । सिन्धुपाल्चाेकम बुध रात बाह्रसे १५ घर पुहलके साथे दुई जहनके मृत्यु हुइल बा । १८ जाने बेपत्ता हुइल बाटै । भोटेकोसीसँगे वरपरके खाेल्हवामे आइल बाह्रसे बाह्रबिसे नगरपालिकामे व्यापक क्षति पुगैले बा ।
बाह्रबिसे–५ गाती जम्बुमा एल्मो ठाडो खोला ओ काब्रे खाेला बस्ती पेल्स्दाके घर पुहाइले बा । रात साढे १२ बजे आइल बाह्ल उहाँक ११ जाने बेपत्ता बनाइलमे दुईके शव फेला परल हो ।
स्थानीय युधिर पौडेलके अनुसार २० वर्षीय निकेश बस्नेत अाे उहाँक ३ वर्षीया छाइक मृत्यु हुइल बा । ‘अभिन नौ जाने बेपत्ता बाटै, उहाँहुकनके सेना अाे स्थानीय मिलके खोजी करटै,’ उहाँ कहलै । तीन जाने घाहिल रहल ओ उहाँहुकनहे उपचारम लैजिना उप्पर निकायमे हेलिकप्टरके लाग प्रयास हुइटीरहल पौडेलल बटैलै ।
अरनिको राजमार्गके ड्याम, जुरे, साधीखोल्सा, जलेटार ब्यारेकमुनि, बाह्रबिसे इप्रका चौकीछेउके भाग अाे खाग्दलसे जम्बु बजारसमके सडक–पुल बाह्रसे पुहलपाछे जनजीवन अस्तव्यस्त बनल बा । बाह्रबिसे बजारछेउके ढिस्का गिरे लागलपाछे तटीय क्षेत्रके स्थानीय त्रासमे बाटै ।
जम्बुसम पुग्ना राजमार्गक्षेत्रके सक्कु टुटलपाछे उप्परेक गाउँक् डगर हुइटी प्रहरी टोली घटनास्थल जैना प्रहरी निरीक्षक नवराज न्यौपाने जानकारी डेलै । ‘जम्बुलगायत तातोपानी क्षेत्र जैना मानेस्वाराके डगर प्रयोग करेपरना हुइ, उहाँसम गिलपाछे आधिकारिक विवरण आइ,’ उहाँ कहलै ।
सेना अाे सशस्त्र प्रहरीके टोली भर घटनास्थल पुगसेकल उहाँ सुनैलै । अस्टेक भोटेकोसी गाउँपालिका–५ मार्मिङ गाउँके बल्कुटे खोलामे बाह्र आके एक घर पुहल बा । ‘सक्कुहाेर यकिन विवरण आइल नैहाे, भारी जनधनके क्षति हुइल बा,’ न्यौपाने कहलै ।

एजेन्सी समाचार

जनाअवजको टिप्पणीहरू