हत्या आरोपी हिरासतसे हत्कडीसहित फरार

कैलालीमे हत्या आरोपी युवक प्रहरी थुनामनसे हत्कडीसहित भागल बाटै । बुडिक् हत्या आरोपमे पक्राउ परल चुरे गाउँपालिका–६, भावरके २३ वर्षिय गणेशबहादुर ऐर बुधके रात हत्कडीसहित थुनामनसे भागल बाटै ।
ऐर ७५ वर्षिया बुडी पार्वतीदेवीके हत्या आरोपमे बुधके बिहान पक्राउ परल रहिट । उहिनहे ईलाका प्रहरी कार्यालय फल्टुडे पक्राउ करले रहे ।
कैलालीके प्रमुख प्रहरी उपरिक्षक अनुपम शमशेर जबरा ईलाका प्रहरी कार्यालय फल्टुडेके नियन्त्रणमे रहल ऐर खाना खैना बेला हत्कडीसहित भागल पुष्टि करलै ।
हुकन खोजीके लाग कैलालीके प्रवक्ता प्रहरी नायब उपरिक्षक प्रतिक विष्ट नेतृत्वके प्रहरी टोली परिचालन करल प्रहरी उपरिक्ष जबरा बटैलै ।
ऐर मंगरके रोज दिनके लोहेक रड ओ धरयार हतियार प्रहार कैके बुडिक हत्या करल प्रहरी जनैले बा । घरेक् पश्चिमओर अरहरके झारसे टोपल अवस्थामे शव फेला परल रहे ।