थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिमके व्यवसायी यातायात सञ्चालनके तयारीमे

पहुरा | २५ असार २०७७, बिहीबार
सुदूरपश्चिमके व्यवसायी यातायात सञ्चालनके तयारीमे

पहुरा समाचारदाता
धनगढी, २५ असार ।
सुदूरपश्चिमके यातायात व्यवसायी फेन सार्वजनिक सवारीसाधन सञ्चालनके तयारीमे जुटल बाटै ।
नेपाल यातायात व्यवसायी राष्ट्रिय महासंघसे सार्वजनिक यातायात सेवा सञ्चालनके मोडालिटी तयार पारके सरकारसे छलफल करटी रहल बेला सुदूरपश्चिममे समेत व्यवसायी तयारीमे जुटल हुइट ।
नेपाल यातायात राष्ट्रिय महासंघके सह–कोषाध्यक्ष डम्बर पन्त कोरोना महामारीपाछे बन्द अवस्थामे रहल यातायात सेवाहे पुनः सञ्चालनके लाग आवश्यक गृहकार्य सुरु करल जानकारी डेलै ।
पन्त राष्ट्रिय यातायात महासंघसे सामाजिक दुरी कायम कैके सेवा सञ्चालन करे सेक्ना मोडालिटी तयार कैके सरकारहे बुझाइल ओरसे उहे अनुसार सुदूरपश्चिममे समेत व्यवसायीहुक्रे आआपन तयारीमे लागल बटैलै ।
महासंघसे सामाजिक दुरी कायम, भाडा हेरफेर, चालक परिचालक ओ यात्रुके स्वास्थ्य सुरक्षा, स्वास्थ्य परीक्षण लगायत व्यवस्था मिलैना मेरके बनाईल मापदण्डके खाका सरकारहे बुझा सेकल बा । उहाँ प्रदेश सरकार लगायतके निकायसे फेन उ मोडालिटी बारे छलफल हुइटी रहल बटैलै ।
यहोर सुन्दर सुदूरपश्चिम यातायात प्रालिसे फेन कोरोना महामारीपाछे जारी लकडाउनसे बन्द अवस्थामे रहल सार्वजनिक यातायता सेवा सञ्चालनके लाग आवश्यक तयारी करल जनाइल बा ।
प्रालिके अध्यक्ष पदम सापकोटा राष्ट्रिय यातायात महासंघके सर्कुलर अनुसार सेवा सञ्चालनके लाग व्यवसायी तयारीमे लागल बटैलै । उहाँ सकभर सावन ८ गते पाछे विशेष सावधानी अपनैटी यातायात सेवा सञ्चालन हुइनमे अपने विश्वस्त रहल बटैलै ।
जारी लकडाउनके कारण गाडी नाइ चलल्पाछे व्यवसायी मारमे परल बाटै । सरकारसे सवारी पास उपलब्ध कराइल लाल नम्बर प्लेटके गाडी चल्न डेहल कहटी यातायात व्यवसायीहुक्रे विरोध करटी आइल बाटै ।

जनाअवजको टिप्पणीहरू