हुलाकी सडकके स्थलगत अवलोकन

बेलौरी, २६ असार । राष्ट्रिय जनमोर्चासे भारतीय पक्षसे अवरोध सृजना करल हुलाकी सडकके स्थलगत अवलोकन करले बा ।
राष्ट्रिय जनमोर्चाके केन्द्रीय सदस्य तथा सुदूर पश्चिम प्रदेश ईञ्चार्ज मनोज भट्टके नेतृत्वमे गैल टोलीसे कञ्चनपुरके बेलौरी नगरपालिका–३ स्थित सीमाना ओ भारतीय पक्षसे अबरोध करल हुलाकी सडकके अवलोकन करल हो ।
बेलौरी नगरपालिका–८ पचुईस्थित नेपाल ओरके रिफ्रेन्स पिल्लर ३८ हे भारतसे आपन रहल दावी करटी हुलाकी सडकके निर्माणमे अवरोध सृजना करल हो ।
राष्ट्रिय जनमोर्चाके केन्द्रीय सदस्य तथा सुदूरपश्चिम प्रदेश ईञ्चार्ज मनोज भट्ट भारतीय सुरक्षा बल एसएसवीके अवरोधपाछे हुलाकी सडकके निर्माण अबरुद्ध हुइल कहटी भारतीय पक्षसे हुइल ज्यादतीके निन्दा करल रहिट ।
‘भारतसे अइसीन गतिबिधि हुइना खेदजनक हो’, भट्ट कहलै, ‘नेपाली भूमि ओ नेपाली सार्वभौमिकताउपर भारतीय हस्तक्षेप बन्द हुइपरल ।’
प्रदेश अध्यक्ष नन्दराज भट्ट सीमा क्षेत्रके अवलोकनपाछे बिज्ञप्ति जारी करटी भारतसे हुइल हस्तक्षेपके भत्र्सना करले बाटै । साथे सडक निर्माणमे अवरोध नाइ कैना भारतीय पक्षहे आग्रह करले बाटै ।