थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

पोखरामे पहिरोमे परलके ७ जहनके मृत्यु

पहुरा | २६ असार २०७७, शुक्रबार
पोखरामे पहिरोमे परलके ७ जहनके मृत्यु

पोखरा, २६ असार । कास्कीके टमान स्थानमे अविरल वर्षासँगे गिरल पहिरोमे भठ्के ७ जहनके ज्यान गिल बा । पहिरोसे सिद्धार्थ राजमार्गसमेत अवरुद्ध हुइल बा ।
पोखरा–१८ सराङकोट गोठादीमे बिफेक रात साढे २ बजेओर गिरल पहिरोसे टंकबहादुर थापाके घर भठ्के ५ जहनके मृत्यु हुइल बा । मृत्यु हुइनामे ५० वर्षीय थापा, उहाँक् गोसिनिया ४५ वर्षीया सोममाया, टंकबहादुरके दाजुक् नाति ६ वर्षीय सुवान थापा ओ ११ वर्षके इसिका थापा बाटै । औरे एक बालकके सनाखत हुइनैसेकल कास्की प्रहरीके डीएसपी सुवास हमाल जानकारी डेलै ।
पहिरोमे टंकबहादुरके छाई २२ वर्षीया पिंकी ओ १८ वर्षीया आशा तथा पिंकीके ५ वर्षीया छाई पिरिसा घाहिल हुइल बाटै ।
अस्टेक तनहुँके दमौली घर रहल सोममायाके २८ वर्षीया बहिनिया सरस्वती श्रेष्ठ फेन घाहिल बाटी । उहाँक १० ओ ८ वर्षके दुई छावा फेन पहिरोमे परल बाटै । घाहिल हुइना अन्यमे छिमेकी १९ वर्षीय अनिश तामाङ, रसी थापा, रश्मि थापामगर बाटै ।
घाहिल सबैके मणिपाल ओ गण्डकी अस्पतालमे उपचार हुइटीरहल बा । थापाके घरमे जन्मदिनके पार्टी रहल ओरसे नातपात ओ छिमेकी जम्मा हुइल रहिट ।
अस्टेक पोखरा–२५ हेम्जामे पहिरोसे घर भठ्के ७० वर्षीया हिमकली अधिकारीके घटनास्थलमे मृत्यु हुइल प्रहरीले जनैले बा । घरसँगे ३ छेग्री फेन पुहल बाटै ।
पोखरा–२६ पैतेडाँडामे फेन पहिरोसे घर भठ्के स्थानीय दुर्गाबहादुर सुनारके मृत्यु हुइल बा । ब्लकसे बनल दुईकोठे घरसँगे भठल उहाँक् पत्नी, १ छावा ओ १ छाइक् उद्धार करगिल बा । उहाँ अभिन फेन पहिरो जैना क्रम जारी रहल प्रहरी जनैले बा । अस्टेक कालिमाटी ओ फुस्रे खोलाबीचमे गिरल पहिरोसे सिद्धार्थ राजमार्ग अवरुद्ध हुइल बा ।

– इकान्तिपुर

जनाअवजको टिप्पणीहरू