क्वारेन्टाइन व्यवस्थापनके लाग लघुवित्तसे सहयोग

पहुरा समाचारदाता
हसुलिया, २६ असार । कैलालीके हसुलियास्थित दीपेन्द्र माध्यमिक विद्यालयमे रहल क्वारेन्टाइन व्यवस्थापनके लाग छिमेक लघुवित्त वित्तीय संस्थासे टमान सामग्री सहयोग करले बा ।
उ संस्थाके प्रबन्धक भुप सार्की कैलारी गाउँपालिकाके क्वारेन्टाइन संयोजक सन्तोषकुमार चौधरीहे सामग्री हस्तान्तरण करलै । लघुवित्तसे २५ किलो चाउर, पाँच किलो दाल, छ क्रेट अण्डा, सेनिटाइजर, मास्क, साबुन, सर्फ सहयोग करले बा ।
लघुवित्तसे सात हजार ७२५ रुप्या बराबरके सहयोग करल कैलारी गाउँपालिका जानकारी डेले बा । सहयोग हस्तान्तरणमे गाउँपालिकाके स्वास्थ्य संयोजक विरेन्द्र सापकोटा लगायतके उपस्थिति रहल रहे ।