जन्मदिनके अवसरमे घर भाडा छुट

पहुरा समाचारदाता
धनगढी, २६ असार । राष्ट्रिय सहकारी महासंघके पुर्व संचालक एवं सहकारी अभियान्ता भोजवहादुर बम अपन जन्म दिनके अवसरमे घर भाडा छुट करले बटै । अभियान्ता बम शुकके परल जन्म दिनके अवसर पारके गौरीगंगा नगरपालिका वडा नंम्बर ९ साझाबजार स्थित ६ ठो सटरके एक महिनाके भाडा छुट करल हुुइट ।
सहकारी अभियान एवं समाजसेवामे सकृय बम जन्म दिनमे फजुल खर्च कैनासे समस्या परलहे सहयोग करे परठ कहिके भाडामे छुट डेहल बटैलै ।
अब्बेक कोरोना महामारीके कारण नम्मा समयके लकडाउनसे सक्कु क्षेत्र प्रभावित हुइल ओम्नेफे व्यापार व्यवसायफे झन प्रभावित हुइल ओरसे अपन स्वामित्वमे रहल ६ ठो सटरके एक महिनाके भाडा छुट करल सहकारी अभियान्ता बम जानकारी डेलै ।