कोरोना संक्रमित दम्पतीहे आइसोलेसनमे सन्तानलाभ

अछाम, २६ असार । अछाम अस्पतालके आइसोलेसनमे एक महिला शिशुके जन्म डेले बाटी ।
कोरोना संक्रमित होके उपचारके क्रममे रहल मेल्लेख गाउँपालिका–४ कुष्कोट निवासी २५ वर्षीया महिला बिफेक रोज अस्पतालमे पहिल सन्तान जन्माइल हुइटी । सुत्केरी रहल उ महिलाके गोसिया समेत कोरोना संक्रमित होके उपचारके क्रममे उहे अस्पतालके आइसोलेसन कक्षमे रहल बाटै ।
सामान्य तरिकासे बच्चाके जन्म डेहल महिला ओ शिशुके स्वास्थ्य सामान्य रहलेसे फेन डाइबच्चाके कडा निगरानी करल जनाइल बा ।
“कोरोना संक्रमित महिला बच्चा जन्मैले बाटी, दुनु जनहनके अवस्था अब्बेसम सामान्य रहल बा ।” अछाम अस्पतालके निमित्त मेडिकल सुपरिडेन्टेन्ट डाक्टर मनोज विष्ट बटैलै ।