थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

समितिसे नमूना विद्यालयके अनुगमन

पहुरा | २६ असार २०७७, शुक्रबार
समितिसे नमूना विद्यालयके अनुगमन

पहुरा समाचारदाता
हसुलिया, २६ असार ।
कैलारी गाउँपालिकाके नौ वडामे रहल नमूना विद्यालयके अनुगमन करल बा ।
गाउँपालिकास्तरिय अनुगमन समितिसे नमूना विद्यालयके अनुगमन करल हो । गाउँपालिकाके आर्थिक सहयोगमे नमूना विद्यालय बनाइल बावै । गाउँपालिकास्तरिय अनुगमन समितिके संयोजक एवम गाउँपालिकाके उपाध्यक्ष लक्ष्मी सत्गौवाके नेतृत्वमा अनुगम टोली खटल रहे । टोलीमे समितिके सदस्य रन्जिता चौधरी, शिक्षा शाखा प्रमुख गणेश मिश्र लगायत सहभागी रहल रहिट ।
विद्यालय नमूना घोषणा होसकेलपाछे मापदण्ड अनुसार चलल् नाइ चलल् हेरल शिक्षा शाखा प्रमुख मिश्र जानकारी डेलै । ‘गाउँपालिकासे नमूना विद्यालय सञ्चालनके लाग हरेक बरस आर्थिक सहयोग करटी आइल बा’, उहाँ कहलै–‘सहयोग लेसेकलपाछे विद्यालय मापदण्ड अनुसार चलल् बा कि नाइहो, कार्यक्रम करले बावै किल नाइहो्, उ बुझक् लाग अनुगमन करल हो ।’
समितिसे वडा नम्बर ६ स्थित अपरम्पार आधारभूत ओ जनता माध्यमिक विद्यालयमे निर्माण करल सूचना तथा सञ्चार प्रविधि (आइसीटी) के अनुगमन करल गाउँपालिकाके कर्मचारी रविन्द्रकुमार चौधरी जानकारी डेलै ।
ओस्टके, शिक्षकहे आयोजना करल आइसीटी सम्बन्धी तालिमके फेन अनुगमन करल बा । ओस्टके, गाउँपालिका स्तरीय संयुक्त अनुगमन समितिसे हसुलियास्थित डेरी उद्योग ओ हसुलिया बजारमे जडान करल सौर्य बत्तीके अनुगमन करल बा । एक सहकारी एक उद्योग कार्यक्रम अन्तर्गत कालिका सहकारीमे स्थापना करल डेरीके अनुगमन करल हो ।
गाउँपालिकाके उपाध्यक्ष लक्ष्मी सत्गौंवाके नेतृत्वमे हुइल अनुगमनमे समितिके सदस्य रञ्जिता चौधरी, प्रमुख प्रशासकीय अधिकृत खगेन्द्रराज जोशी, पूर्वाधार विकास समितिके संयोजक कमलप्रसाद चौधरी, योजना शाखा प्रमुख सन्तोषकुमार चौधरी, रेबन्त बोहरा लगायत सहभागी रहल रहिट ।

जनाअवजको टिप्पणीहरू