डोटीमे पहिरो गिरके जीप भँठल

डोटी, २६ असार । डोटीमे पहिरो गिरके जीप भँठल बा । जिल्लाके केआईसिंह गाउँपालिका वडा नम्वर ५ मे पहिरो गिरके से १ च २१२५ नम्वरके जीप भँठल जिल्ला प्रहरी कार्यालय डोटी जनैले बा । विफेक रात डोटी राजपुरके प्रशंसा तरकारी पसलके जीप उप्पर पहिरो गिरल जिल्ला प्रहरी कार्यालय डोटीके प्रहरी निरिक्षक कर्ण बोहरा जानकारी डेलै ।
चालककेल सवार रहल ओ पहिरो गिरल पत्ता पाइलपाछे चालक बाहेर निक्रल रहिट । सामान्य घाहिल उहाँक सुजङ अस्पतालमे उपचार हुइटी रहल बा कलेसे जीप निकरना कार्य हुइटी रहल प्रहरी जनैले बा ।