सुदूरपश्चिममे पाँच जनहनमे कोरोना पुष्टि

पहुरा समाचारदाता
धनगढी, २६ असार । सुदूरपश्चिम प्रदेशमे शुकके रोज ठप पाँच जनहनमे कोरोना संक्रमण पुष्टि हुइल बा ।
सेती प्रादेशिक अस्पतालके प्रयोगशालामे कैगिल परिक्षणमे दुई जनहनमे कोरोना पुष्टि हुइल बा कलेसे राष्ट्रिय जनस्वास्थ्य प्रयोगशालामे डोटीके एक जाने, त्रिभुवन शिक्षण अस्पतालमे कैलाली १ जाने, रियल टाईम पिसीआर प्रयोगशाला दैलेखमे बाजुराके १ जनहनमे कोरोना संक्रमण पुष्टि हुइल स्वास्थ्य मन्त्रालय जनैले बा । सेती प्रादेशिक अस्पतालके प्रयोगशालामे कैगिल परिक्षणमे अछाम बान्नीगढी जयगढके एक पुरुष ओ कञ्चनपुर बेलडाँडीके एक पुरुष रहल सेती प्रादेशिक अस्पतालके सूचना अधिकारी दिलिपकुमार श्रेष्ठ जनैलै । सेती प्रादेशिक अस्पतालके प्रयोगशालामे पछिल्का २४ घण्टामे २४१ जनहनके पिसिआर विधिसे कैगिल परिक्षणमे दुई जाने केल संक्रमित डेखल उहाँ बटैलै ।
स्वास्थ्य मन्त्रालयके अनुसार पछिल्का २४ घण्टामे देशभर २५ प्रयोगशालामे ४ हजार ८ सय ६ जनहनके परिक्षण करल रहे । ओम्ने देशभरके करके जम्मा १ सय १८ जनहनमे कोरोना संक्रमण पुष्टि हुइल मन्त्रालय जनैले बा ।

सम्बन्धित समाचार

सुदूरपश्चिममे दुई जनहनमे केल कोरोना पुष्टि