खानेपानीके विषयमे झडप होके एकके मृत्यु

डडेल्धुरा, २७ असार । खानेपानीके विषयमे झडप होके डडेल्धुरामे एक बालकके मृत्यु हुइल बा ।
कुटपिटसे जिल्लाके आलिताल गाउँपालिका ६ झरकाडाके ८ वर्षीय बालक हिमांशु महराके मृत्यु हुइल जिल्ला प्रहरी कार्यालय डडेल्धुरा जनैले बा ।
जिल्ला प्रहरी कार्यालयके प्रमुख प्रहरी नायव उपरीक्षक दधिराम न्यौपाने कहलै, ‘खानेपानीके विषयमे विवाद हुइल ओ कुटपिटमे बालकके ज्यान गैल प्रारम्भिक खुलल् बा । मने अब्बेसम जाहेरी आइल नाइहो ।’
कुटपिटमे घाहिल हुइल बालकके उपचारके क्रममे धनगढीमे मृत्यु हुइल उहाँ बटैलै । घटनामे संलग्न चार जनहनहे पक्राउ कैके अनुसन्धान सुरु करल उहाँ जानकारी डेलै ।
जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतिक विष्ट फेन बालकके मृत्यु कुटपिटसे हुइल हुइ सेक्ना बटैलै ।