थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

‘एक निर्वाचन क्षेत्र, एक पर्यटकीय गन्तव्य’के तीन करोड मन्दिरमे

पहुरा | २८ असार २०७७, आईतवार
‘एक निर्वाचन क्षेत्र, एक पर्यटकीय गन्तव्य’के तीन करोड मन्दिरमे

पहुरा समाचारदाता
धनगढी, २८ असार ।
पर्यटन प्रवद्र्धनके नाममे समुदाय ओ जात विशेषके मठमन्दिरमे लगानी करटी आइल सुदूरपश्चिम सरकार एक निर्वाचन क्षेत्र एक पर्यटकीय गन्तव्यके बजेटमे फेन मन्दिरहे प्राथमिकता डेले बा ।

प्रदेशके उद्योग पर्यटन वन तथा वातावरण मन्त्रालय अइना आर्थिक बरसके लाग एक निर्वाचन क्षेत्र एक पर्यटकीय गन्तव्यके लाग १० लाखके दरसे बजेट विनीयोजन करलमे अधिकांश योजना मन्दिरके रहल बा । ३२ ठो निर्वाचन क्षेत्र मध्ये १५ ठो १० लाखके दरसे एक करोड ५० लाख बजेट मन्दिर निर्माण तथा भौतिक पूर्वाधार विकासके लाग विनीयोजन करगिल बा ।

कैलालीमे एक निर्वाचन क्षेत्र एक पर्यटकीय गन्तव्यमे टीकापुर नगरपालिका १ मे रहल मोहन्याल मन्दिर निर्माणके लाग १० लाख, जोशीपुर गाउँपालिका वडा नम्बर ४ मे रहल शिव मन्दिर निर्माणके लाग १० लाख, गौरीगंगा नगरपालिका वडा नम्बर ८ मे फेन शिवमन्दिर निर्माणके लाग १० लाख, कैलारी गाउँपालिका १ मे रहल रखौना ताल पूर्वाधार विकासके लाग १० लाख बजेट विनियोजन करगिल बा ।

ओस्टके कैलारी गाउँपालिका ९ मे रहल कोइली ताल संरक्षण, मोहन्याल गाउँपालिका ७ के लम्की–राजकाडा पदमार्ग निर्माण, घोडाघोडी नगरपालिका ९ मे रामगड पिकनिक स्पट निर्माण, बर्दगोरिया गाउँपालिका ४ मे पुरैना ताल भौतिक पूर्वाधार निर्माण ओ धनगढी उपमहानगरपालिका ११ के बेलाताल संरक्षणके लाग समेत एक निर्वाचन क्षेत्र एक पर्यटकिय गन्तव्य कार्यक्रममे १० लाखके दरसे बजेट छुट्यागिल बा ।

ओस्टके डोटीके दिपायल सिलगढी नगरपालिका ३ के दिलपेश्वर मठ बासुधारा क्षेत्र पूर्वाधार विकास, बझाङके जयपृथ्वी नगरपालिकाके मष्टो मन्दिर चैतोल मेला माटेसागु, डोटीके फुटसिल गाउँपालिकामे पर्ना गौणेमाण्डौँ पर्यटकिय गन्तव्य पूर्वाधार विकास, कञ्चनपुरके बेलौरीमे रहल बन्दाताल पर्यटकीय गन्तव्य पूर्वाधार विकास, कञ्चनपुरके शुक्लाफाँटा नगरपालिका ८ के बतासे झर्ना नील ताल क्षेत्र पूर्वाधार विकास, भीमदत्त नगरपालिका १० के सिद्धनाथ बैद्यनाथ बाराकुण्डा क्षेत्र निर्माण तथा संरक्षण, वेदकोट नगरपालिका ६ मे रहल सिद्धसरोवर बन्दा ताल संरक्षण, लालझाडी गाउँपालिका ४ के इटाहा बाबा मन्दिर पूर्वाधार विकासके लाग फेन एक निर्वाचन क्षेत्र एक पर्यटकिय गन्तव्य अन्तर्गत १०/१० लाख बजेट विनीयोजन करगिल बा ।

दार्चुलाके नौगाड गाउँपालिके ३ के ताराकोट पर्यटकिय पद मार्ग निर्माण, डडेल्धुराके अजयमेरु ४ के भावेश्वर मन्दिर पूर्वाधार विकास, दार्चुलाके मालिकार्जुन गाउँपालिकाके जोल जीवीमेला पर्यटन गडन्तव्य, बाजुराके छेडेदह गाउँपालिका वडा नम्बर ७ के छेडेदह क्षेत्र सुधार तथा पदमार्ग निर्माण, बझाङके मष्टामाण्डौँ दुर्गाथली, कञ्चनपुरके महाकाली नगरपालिका ७ मे पिकनिक स्पट निर्माण, पुर्नवास नगरपालिका वडा नम्बर ३ के नक्कली शहिद पार्क, डडेल्धुराके आलिताल गाउँपालिका ३ के आलिताल क्षेत्रके पूर्वाधार विकास, बजुराके बुढिनन्दा नगरपालिका २ मे गुम्बा निर्माण, गोदावरी नगरपालिका ४ को वनदेवी क्षेत्र पर्यटकीय विकास, अछामके चौरपाटी देवभूमी पर्यटन क्षेत्र विकास, अछामके मंगलसेनके जाल्पादेवी मन्दिर कुन्तिधारा पर्यटकीय क्षेत्र विकास ओ अछामके रामारोशन गाउँपालिकाके खाल बजार समैचा पदमार्गका लाग समेत १०/१० लाख बजेट विनीयोजन करगिल बा ।

जनाअवजको टिप्पणीहरू