सुदूरपश्चिममे कोरोनाके तीन संक्रमित ठप्लै

पहुरा समाचारदाता
धनगढी, २८ असार । सुदूरपश्चिम प्रदेशमे अँटवारके रोज तीन जाने कोरोना संक्रमित ठपल बाटै । सेती प्रादेशिक अस्पतालके प्रयोगशालामे कैगिल परिक्षणमे तीन जाने संक्रमित ठपल हुइल ।

ठपल संक्रमित कैलालीके कैलारी गाउँपालिका–७ के २५ बरसके एक पुरुष, मोहन्याल गाउँपालिकाका–३ के ४६ बरसके एक पुरुष ओ दार्चुला जिल्ला नौगाढ–७ के २८ बरसके एक पुरुष रहल सेती प्रादेशिक अस्पतालके सूचना अधिकारी दिलिपकुमार श्रेष्ठ जानकारी डेलै ।

सुदूरपश्चिम प्रदेशके कैलाली ओ कञ्चनपुरमे आजसम आईसोलेशन वार्डमे उपचारमे ७ जाने बिरामी केल रहल बाटै । अँटवार २६३ जनेक परिक्षण करलमे ठप ३ जनेक कोरोना पुष्टि हुइल हो ।

#CoronaVirus
#COVIDー19
#publichealth
#Pandemics
#Dhangadhi
#SudurPashchimProvince