थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

कोरोना संक्रमण वृद्धिरदरमे कमी

पहुरा | २८ असार २०७७, आईतवार
कोरोना संक्रमण वृद्धिरदरमे कमी

पहुरा समाचारदाता
धनगढी, २८ असार ।
सुदूरपश्चिम प्रदेशमे कोरोना संक्रमित वृद्धिदरमे कमी आइल बा । भारतसे लौटुइयाके सख्या कम हुइल ओ क्वारेन्टाइनमेफे मनैनके चाप घटल ओरसे नयाँ संक्रमण दरमे कमी आइल हो ।

भारतसे लौटुइयाके लर्को लागल बेला यी प्रदेशमे कोरोना संक्रमण दर उच्च बनल रहे । जेठ अन्तिमसे असार टिसरा सातासम नयाँ संक्रमितके सख्या झन बढल रहे । बाह्य मुलुकसे अउइयाके सख्या घटलसंगे नयाँ सक्रमण दरफे कम हुइल प्रदेश स्वास्थ्य निर्देशनालयके प्रमुख डा. गुणराज अवस्थी बटैलै ।

‘अब्बे मुलुकसे बाहेरसे अउइयाके सख्या घटल बा, उहाँ कहलै । ‘क्वारेन्टाइनमेफे मनैनके चाप घटल ओरसे नयाँ संक्रमित फेला पर्ना क्रम कम हुइल हो ।’ मुलुकके बाहेरसे अउइयाके चाप घटलसंगे स्वाब संक्रलनमेफे कमी आइल बा । मने, ‘कन्ट्याक्ट टे«सिङ’ हुइल ओ शंकास्पद् व्यक्तिके स्वाब संकलन ओ परीक्षण भर हुइटी रहल बा । मने, भारतसे अउइयाके व्यक्तिके स्वाब संकलन ओ परीक्षणमे कमी आइल अवस्थी बटैलै । ‘आब बाहेरसे आइल व्यक्तिके परीक्षण लगभग सेकल बा’, उहाँ कहलै । ‘तत्काल सक्कु जनताके परीक्षण कैना भर तयारी नइहो ।’

सेती प्रादेशिक अस्पतालके अनुसार उ अस्पतालके प्रयोगशालामे अँट्वार २६३ जाने परिक्षण करलमे ३ जानेकमे कोरोना पुष्टि हुइल बा । शनिच्चर २९० स्वाब नमूना परीक्षण करेबेर तीन जननहमे कोरोना संक्रमण पुष्टि हुइल रहे । शुकके २४१ स्वाब नमूना परीक्षण करेबेर दुई जनेक रिपोर्ट पोजेटिभ आइल रहे । ओस्टेक करके, पछिल्का एक अठुवारमे एक हजार ४०८ नमूना परीक्षण करेबेर १४९ जनहनमे कोरोना संक्रमण पुष्टि हुइल रहे ।

प्रदेशके सामाजिक विकास मन्त्रालयके शुकके तथ्यांक अनुसार यी प्रदेशमे संक्रमितके जम्मा सख््या तीन हजार ७७५ रहल बा । जेम्ने उहे दिनसम करके एक हजार २६७ जाने ठिक हुके घर लौटल बाटै । आब दुई हजार ५०८ जाने केल सक्रीय संक्रमित रहल बाटै ।

कोभिड–१९ के कारण हालसम यी प्रदेशके सात जनेक ज्यान गैल बा । पाँच जनेक सुदूरपश्चिम प्रदेशमे ओ दुई जनेक और प्रदेशमे ज्यान गैल मन्त्रालय जानकारी डेले बा ।

जिल्लागत संक्रमित
सुदूरपश्चिमके कैलालीमे सबसे ढेर ९९४ जनहनहे कोराना संक्रमण हुइल बा । गौरीफन्टा नाका हुके भारतसे लौटुइया सबसे पहिले कैलालीमे प्रवेश करले रहिट ।

ओस्टेक करके, अछामके ५९२, डोटीके ५३५, बाजुराके ४५६ कञ्चनपुरके ४४३, बैतडीके २९३ जनहनमे कोरोना संक्रमण हुइल सामाजिक विकास मन्त्रालय जानकारी डेले बा । ओस्टेक, डडेल्धुरामे २६९, बझाङमे १५९ ओ दार्चुलामे १९ जनहनहे कोरोना संक्रमण हुइल जनाइल बा ।

सक्रीय संक्रमितमध्ये ८० जाने टमान जिल्लाके अस्पतालमे ओ बाँकी स्थानीय तहके आइसोलेसनमे रहल मन्त्रालय जानकारी डेले बा । ओस्टेक, प्रदेशभर करके क्वारेन्टाइनमे चार हजार ८३४ जाने रहल बाटै ।

हालसमके परीक्षण
यी प्रदेशमे कोरोना पुष्टिके लाग पीसीआर ओ आरडीटी दुनु विधिसे करके हालसम एक लाख ४३ हजार ३३३ जनेक स्वास्थ्य परीक्षण करल बा ।

जेम्ने मन्से, पीसीआर विधिसे परीक्षणके लाग २६ हजार ५३७ स्वाब नमूना संक्रलन करलमे हालसम २५ हजार ६८० नमूना परीक्षण हुसेकल बा । ८५७ नमूनाके रिपोर्ट आउन बाँकी रहल मन्त्रालय जानकारी डेले बा । ओस्टेक करके, आरडीटी विधिसे एक लाख १७ हजार ६५३ जनेक स्वास्थ्य परीक्षण करल बा ।

सुदूरपश्चिम प्रदेशमे हालसम संक्रमण पुष्टि हुइल व्यक्तिमध्ये एक जाने बाहेक बाँकी सक्कु व्यक्तिके ‘ट्राभल हिस्ट्री’ बाहेरसे आइल रहल बा । जेम्ने मन्से भारतसे लौटके आइल सबसे ढेर रहल बाटै । ‘यी प्रदेशमे धनगढीके एक महिलाहे सरल बाहेक कोरोना समुदायमा सरल नइहो, अवस्थी कहलै । ‘संक्रमित सक्कु बाहेरसे आइल रहिट ।’

सम्बन्धित समाचार

सुदूरपश्चिममे कोरोनाके तीन संक्रमित ठप्लै

#CoronaVirus
#COVIDー19
#publichealth
#Pandemics
#Dhangadhi
#SudurPashchimProvince
#CoronaVirusUpdate

जनाअवजको टिप्पणीहरू