सडक स्तरोन्नतिके अनुगमन

पहुरा समाचारदाता
हसुलिया, २८ असार । कैलारी गाउँपालिकास्तरीय अनुगमन समितिसे वडा नम्बर २ मे हुइटी रहल सडक स्तरोन्नतिके अँटवारके रोज अनुगमन करले बा ।

समितिके संयोजक एवम् गाउँपालिकाके उपाध्यक्ष लक्ष्मी सत्गौंवाके नेतृत्वमे गैल टोली रामपुरके खानेपानी ट्यांकीसे मझरा गाउँसम स्तरोन्नति हुइटी रहल सडकके अनुगमन करल हो ।

अनुगमन टोलीमे समितिके सदस्य रन्जिता चौधरी, खडक बिक, गाउँपालिकाके सव–इन्जिनियर निर्मल चौधरी ओ वडा सदस्य लालबहादुर ठकुल्ला सहभागी रहिट ।