थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]
‘ धनगढीके ७ सडक निर्माणके लाग सम्झौता ’

निर्माण कम्पनीसे २१ दिनभिटर काम सुरु कैना

पहुरा | २९ असार २०७७, सोमबार
निर्माण कम्पनीसे २१ दिनभिटर काम सुरु कैना

पहुरा समाचारदाता
धनगढी, २९ असार ।
धनगढी उप–महानगरपालिकामे क्षेत्रीय शहरी विकास आयोजना अन्तर्गत धनगढीमे सडक निर्माणके लाग आयोजना ओ निर्माण कम्पनी विच सम्झौता पत्रमे हस्ताक्षर हुइल बा ।

क्षेत्रीय शहरी विकास आयोजनाके प्रमुख परिक्षित कडरीया ओ कालिका कन्ट्रक्सनमे प्रतिनिधी प्रकाशचन्द्र खरेल अँटवारके रोज सम्झौतापत्रमे हस्ताक्षर करल हुइट । सम्झौतापत्रमे निर्माण कम्पनीसे निर्माणके काम २१ दिनभिटर सुरु कैना ओ दुई बर्षभिटर निर्माण सम्पन्न कैना उल्लेख करल बा । एसियाली विकास बैंकके सहयोगमे संचालन हुइल आयोजना अन्तरगतके और काम सुरु हुइलेसेफे सडक ओ नाली निर्माणके काम आघे बह्रे नइसेकल रहे ।

क्षेत्रीय सहरी विकास आयोजना अन्तर्गत पहिल चरणमे १० किलोमिटर लम्बाईके ७ ठो सडक ६८ करोड पाँच लाख ९८ हजारमे निर्माण कैना करके सम्झौता हुइल कडरिया बटैलै ।

अब्बेक सम्झौता अनुसार धनगढीके ट्राफिक चौराहसे कैलाली पुलसमके एक दशमलव ३८ किलोमिटर, दुई दशमलव ७ किलोमिटरके गुल्म–चर्च सडक, सात सय मिटर लम्बाईके हुलाकी सडक–जाखोर ताल सडक, तीन दशमलव ६५ किलोमिटरके क्याम्पस गेट–चटकपुर सडक, आठ सय ७० मिटरके धनगढी–खुटिया–स्याउले सडक, चार सय ३० मिटरके मालपोत सडक ओ एक दशमलव १५ किलोमिटरके हसनपुर सडक कालोपत्रे हुइही ।

क्षेत्रीय शहरी विकास आयोजनासे कार्यान्वयन करटी रहल सडकके चौडाई घटाके सम्झौता हुइल हो । एसियाली विकास बैँकके ऋण सहयोगमे सञ्चालित आयोजाना अन्तरगत सुरुमे ४२ किलोमिटर सडकके लम्बाई घटाके १० दशमलव १८ किलोमिटर केल कालोपत्रे कैना हुइल हो ।

आयोजना कार्यान्वयनमे ढिलासुस्ती हुके लागत बृद्धि हुइलपाछे सडकके लम्बाई ओ चौडाई घटाइल हो । धनगढी चौराहसे क्याम्पस रोडसमके मुख्य सडकके चौडाई ३० मिटर कायम करलमे घटाके २४ मिटर कायम करल बा । शाखा सडक भर २४ मिटरसेफे कम चौडाईके रहिही ।
चौडाई घटाके सडक कालोपत्रेके योजना कार्यान्वयन करेबेर दीर्घकालीन रुपमे समस्या सिर्जना हुई कलेसे मुख्य बजारमे २४ मिटर चौडा सडक बन्लेसेफे संरचना भत्काई पर्ना विल्गाइठ ।

क्याम्पस गेट–चटकपुर सडकके चौडाई १६ मिटर, और सडक १० से १२ मिटर चौडा रहिही। सुरुसे फोहोरमैला व्यवस्थापन केन्द्र एसीयाली विकास बैँकसे पहिल शर्तमे धारलपाछे अब्बे आके १० किलोमिटर सडक कालोपत्रेके योजना आघे बढैना सहमति हुइल बा ।

धनगढी उप–महानगरपालिकामे २३ ठो सडक कालोपत्रे कैना योजना रहलमे पहिल चरणमे सात सडक केल कालोपत्रे हुइना क्षेत्रीय शहरी विकास आयोजना कार्यान्वयन ईकाइ जनैले बा ।

धनगढी उपमहानगरपालिकाके नगर प्रमुख नृप बहादुर वड कहलै, निर्माण कम्पनी संग सम्झौताहुके सडक निर्माणके चरणमे प्रवेश करले बाटी, कार्यान्वयनमे सहयोग कैना आम नगरवासीमे अनुरोध करटी । यी धनगढी विकासके सपना बोकल आयोजना हो नगरप्रमुख वड कहलै, टबमारे नगरवासीके सपनाफे यी आयोजनासंग जोरल बा ।

धनगढी उप–महानगरपालिकाके उप–प्रमुख सुशीला मिश्रभट्ट नगरके विकासके लाग नगरवासीसे हातेमालो करे पर्ना बटैली । उहाँ कहली, भारी आयोजना हो कार्यान्वयनमे सबजे सहयोग करी ।

ठेक्का प्रकृयामे कुछ समस्या हुके काममे ढिलाई हुइल क्षेत्रीय शहरी विकास आयोजनाके प्रमुख परिक्षित कडरीया बटैलै । उहाँ आज सम्झौता हुइल बा सक्कु काम समयमे सम्पन्न हुइनामे ढुक्क बाटी । कालिका कन्ट्रक्सनमे प्रतिनिधी प्रकाशचन्द्र खरेल सम्झौता अनुसार काम सुरु कैना बटैलै ।

धनगढी उपमहानगरपालिकामे ४२ किलोमिटर सडक विस्तारके लाग २०१५ मे छुट्टयाइल एक अर्ब ३५ करोड रुपैयाँ बजेट साढे १० किलोमिटर सडक निर्माणके लाग केल पुग्ना ओरसे चरणवद्ध रुपमे काम सुरु करल धनगढी उप–महानगरपालिकाके डिभिजनल ईन्जिनियर द्धिजराज भट्ट बटैलै । पहिल चरणमे ६८ करोड ५ लाख ९८ हजार ७ सय ४ रुप्याके ठेक्का कालिका कन्ट्रक्सन पैले बा ।

संरचना अपनही हटुइया घरधनीहे सम्मान कैना योजना

क्षेत्रीय सहरी विकास आयोजना अन्तर्गतके सडक निर्माणमे सहयोग पुगैना घरधनीहे उप–महानगरपालिकासे सम्मान कैना हुइल बा ।

धनगढी उप–महानगरपालिकाके प्रमुख नृपबहादुर वडसे आयोजना निर्माणके क्रममे सडकके क्षेत्राधिकार भिटर पर्ना संरचना हटाके सहयोग कैना नगरबासीहे आग्रह करले बाटै । अपन संरचना अपनही हटुइयाहे उप–महानगरपालिकासे सम्मान कैना योजना बनाइल बा नगरप्रमुख वड कहलै, ‘ओस्टेक घरधनीके नक्सा दर्तामे छुट, आघे भत्काइल भागमे रंग रोगन समेत कैना बा । आयोजना निर्माणके क्रममे सडकके क्षेत्राधिकार भिटर समेट कतिपय निजि संरचना बाटै ।

एसियाली विकास बैंकके अनिे प्रकृया बा नगरप्रमुख वड कहलै, टबमारे आयोजना निर्माणमे सकारात्मक भूमिका निभैना मै नगरबासीसंग अनुरोध करटु । सडक निर्माण हुइलेसे धनगढीके मुहार फेरजाई नगरप्रमुख वड कहलै, यकर लाग नगरबासीके सकारात्मक सहयोग आवश्यक बा ।

जनाअवजको टिप्पणीहरू