थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

साँफे मार्तडी सडकके विकल्पबारे अध्ययन

पहुरा | २९ असार २०७७, सोमबार
साँफे मार्तडी सडकके विकल्पबारे अध्ययन

बाजुरा, २९ असार । जिल्लास्तरीय सरोकारवाला निकाय सम्मिलित टोलीसे साँफे मार्तडी सडकके अवस्था ओ लौव मार्गके लाग विकल्पबारे अध्ययन करले बा । जिल्ला विपत व्यवस्थापन समिति संयोजक एवं प्रमुख जिल्ला अधिकारी नेतृत्वके टोलीसे द्वारी, अम्कोट बल्दे सडकके विकल्पबारे जानकारी लेहल बा । टोलीसे स्थलगत अध्ययनसहित लौव मार्ग बने सेक्ना प्रारम्भिक अवस्थाबारे जानकारी लेहल प्रमुख जिल्ला अधिकारी कृष्ण गैह्रे बटैलै ।

जानकारी लेना टोली बल्दे, द्वारी, अम्कोट हुइटी धुरालसैनसम पुगल रहे । करिब एक किलोमिटरसे ढिउर सडक पहिरोसे भासल ओ साँफे मार्तडी सडकअन्तर्गत द्वारी क्षेत्रमे लौव मार्ग निर्माणके लाग कौनो विकल्प नाइ रहल ओरसे औरे मार्गके बारे छलफल शुरु करल बा । बल्देसे आटीचौर जैना सडकहे नै उप्परसम पुगाके अम्कोटउपर हुइटी तिपाडा झारे सेकजैना विकल्पबारे छलफल चल्टी रलेसे फेन दिगो नाइ हुइना डेखल बा ।

जिल्लास्तरीय टोलीसे अवस्थाबारे जानकारी लेहे किल गैल ओ सडकके मार्गबारे प्राविधिक अध्ययनपाछे किल पटा हुइना बटाइल बा । सडक पहिरोसे भासलपाछे चार दिनसे साँफे मार्तडी सडक पूर्णरूपमे बन्द हुइल बा । सवारीसाधान मार्तडीसे द्वारी ओ टरेसे फेन बल्देसम किल अइना करल बा ।

सडक अवरोध होके पैदल यात्रा कैना फेन ढिउर समस्या हुइल बा । बूढीगंगा नगरपालिका–१ अम्कोटमे पहिरो गिरल बा । पैदलयात्राके लागसमेत उप्पर बनुवाके डगरा हुुइटी नेंगे पर्र्ना अवस्था बा ।

अवरुद्ध हुइल साँफे मार्तडी सडकअन्तर्गत द्वारी बल्दे सडक पुनः सञ्चालनके लाग सोम्मारसे निर्माण शुरु कैना हुइल बा । तत्कालके लाग हालके डगराहे निर्माण कैना ओ दीर्घकालीनरूपमे डगराके लाग धुरालसैनसे रिला हुइटी मार्तडी लन्ना बारे प्रक्रिया आघे बह्रैना सहमति हुइल प्रमुख जिल्ला अधिकारी गैह्रे बटैलै ।

तत्कालके लाग उहे भासल जमीनहे नै ट्र्याक खोलके गाडी चल्ना बनैलेसे फेन दीर्घकालीनरूपमे अम्कोटके बासिन्दाहे वैकल्पिक डगराके व्यवस्था कैके धुरालसैन, ढुंगी, रिला हुइटी तिपाडा निकर्ना मेरके मार्ग निर्धारण कैनाबारे छलफल आघे बह्रल बा ।

ओकर लाग तत्काल काम आघे बह्रैना ओ बडिमालिका ओ बूढीगंगा नगरपालिकासे आपन क्षेत्रके डगरा खोलल् लाग सहयोग कैना प्रस्ताव आघे सारल बा ।

जनाअवजको टिप्पणीहरू