एनआरएनमे सम्याइल किसान ओ दिव्य
पहुरा समाचारदाता
धनगढी, २९ असार । किसान माइक्रोफाइनान्स वित्तीय संस्था लिमिटेड ओ दिव्य लघुवित्त वित्तीय संस्था सोम्मारके रोज एनआरएन लघुवित्त वित्तीय संस्था लिमिटेडमेमे सम्याके एकीकृत कारोवार सुरु करले बा ।
१४ करोड रुप्यासे सुरुवात हुइल एनआरएन लघुवित वित्तीय संस्था लिमिटेड राष्ट्रिय स्तरके लघुवित वित्तीय संस्था बनल लिमिटेडके कार्यकारी प्रमुख इन्द्रकुमार शाह बटैलै । अब्बेसम रामरोशन, क्रियाटिभ, दिव्य, किसान ओ ग्रामीण सेवा नेपाल करके पाँच ठो वित्तीय सस्था एनआरएनमे मर्ज करसेकल प्रमुख शाह बटैलै ।
संस्थाके अधिकतम शेयर पुँजी १ अर्ब, जारी पुँजी ५२ करोड २६ लाख, चुक्त पुँजी ३९ करोड २८ लाख रहल संस्था जनैले बा । ओस्टेक यकर कारोवार जिल्ला ४४, १४२ ठो शाखा, ५०४ ठो कर्मचारी, १ लाख ४ हजार ६ सय २३ जाने कर्मचारी रहल जनागिल बा ।
संस्थासे ऋणी लेहुुइयाके संख्या ५० हजार २ सय ४६ जाने, संस्थासे प्रवाह करल कर्जा ४ अर्ब, १२ करोड ५२ लाख, बचत ८७ करोड १३ लाख ५० हजार, कर्जा आम्दानी १ करोड ३२ लाख, नाफा ६२ करोड १८ लाख ४९ हजार रहल अध्यक्ष प्रमोद उप्रेती जनैलै । उहाँ चुक्ता पुँजी १ अर्व बनैना, आब के एक वर्ष भिटर ७७ जिल्लामे शाखा विस्तार कैना योजना रहल बटैलै ।
किसान ओ दिव्य एनआरएनमे गाँभलपाछे ओकर एकिकृत करोवार शुभारम्भके उदघाटन सुदूरपश्चिम प्रदेशके आर्थिक मामिला तथा योजना मन्त्री झपट बोहरा करले रहिट । एकीकृत कार्यक्रमके शुभारम्भ उदघाटन करटी मन्त्री बोहरा कोरोना भाइरससे मर्कामे परल व्यवसायीहे गतिशील ओ चलायमान बनाइक लाग विशेष राहत प्याकेज नन्ना दाबी करलै ।
