थारु टेलिभिजनके परिक्षण प्रसारण सुरु

पहुरा समाचारदाता
धनगढी, २९ । सुदूरपश्चिम प्रदेशके कैलालीमे आजसे थारु टेलिभिजनके परिक्षण प्रशारण सुरु हुइल बा ।

धनगढीमे केन्द्रीय कार्यालय रहल थारु टेलिभिजनके आजसे परिक्षण प्रशारण सुरु हुइल थारु टेलिभिजन प्रालिके अध्यक्ष पोखम चौधरी बटैलै । थारु टेलिभिजनके परिक्षण प्रशारण सुरु करली उहाँ कहलै, ‘अब्बे थारु सांस्कृतिक गीतसंगित केल प्रशारण हुइटी बा, मने हाली थारु समाचार, राजनितिक बहस, थारु सांस्कृतिक कार्यक्रम, थारु प्रतिभा प्रशारण हुई । थारु टेलिभिजन १९१ नम्बर च्यानलमे अइटी रहल उहाँ कहलै ।

‘शान्ति, सदभाव ओ पहिचान’ के लाग थारु टेलिभिजन संचालन करल अध्यक्ष चौधरी बटैलै । यी टेलिभिजन भाइनेट ओ नेटटिभिमे चाहे जहाँसेफे हेरे मिल्ना व्यवस्था रहल उहाँ जनैलै । थारु भाषक टेलिभिजन नेपालमे पहिल रहल उहाँ बटैलै ।

सम्बन्धित समाचार
थारु टेलिभिजनके सल्लाहकार समिति गठन