२ दिनके प्रयासपाछे ८५ हजार घुससहित जोशीपुर गापाके नाशु जोशी अख्तियारके फाँडामे

पहुरा समाचारदाता
धनगढी, ३०, असार । कैलालीके जोशीपुर गाउँपालिकाके सूचना अधिकारी तथा नासु सिद्धराज जोशीहे अख्तियार दुरुपयोग अनुसन्धान आयोग कञ्चनपुरके टोली पक्राउ करले बा ।

आयोग कञ्चनपुरके सूचना अधिकारी टोपबहादुर बिष्टके अनुसार नासुु जोशीहे आज बिहान स्थानीय प्रशासनके सहयोगमे उहाँक कोठासे पक्राउ करल हो ।

नासु जोशी सीपमूलक तालिममे सहजीकरण करडेना कटी सेवाग्राहीसे ८५ हजार घुस लेले रहिट । उ घुस रकम अख्तियारके टोली काल्ह (सोम्मारके रोज) उहाँके कार्यकक्षसे बरामद करले रहे । मने उहाँ भागलपाछे अख्तियारके टोली उहाँहे साेम्मारके राेज पक्राउ करे नैसेकल रहे । मने मंगरके राेज बिहान्नी पक्राउ करना सफल हुइल अख्तियारके सूचना अधिकारी बिष्ट जानकारी डेलै ।

थप अनुसन्धानके लाग उहाँहे काठमाडौं पठैना जनागिल बा ।