थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिममे आज २० जहनमे कोरोना पुष्टि

पहुरा | ३० असार २०७७, मंगलवार
सुदूरपश्चिममे आज २० जहनमे कोरोना पुष्टि

पहुरा समाचारदाता
धनगढी, ३० असार ।
सुदूरपश्चिममे आज थप २० जहनमे कोरोना पुष्टि हुइल बा । कर्णाली स्वास्थ्य विज्ञान प्रतिष्ठानके प्रयोगशालामे १२, धनगढीस्थित सेती प्रादेशिक अस्पतालके प्रयोगशालामे ७ ओ शिक्षण अस्पतालके प्रयोगशालामे १ कैके २० जहनमे कोरोना पुष्टि हुइल स्वास्थ्य तथा जनसंख्या मन्त्रालय जनैले बा ।

मन्त्रालयके प्रवक्ता डाक्टर जागेश्वर गौतमके अनुसार कर्णाली स्वास्थ्य विज्ञान प्रतिष्ठानमे करल परीक्षणमे अछाम जिल्लाके १२ जहनमे कोरोना पुष्टि हुइल बा । शिक्षण अस्पतालमे करल परीक्षणमे कैलालीके १ जहनमे संक्रमण पुष्टि हुइल प्रवक्ता गौतम बटैलै ।

अस्टेक सेती अस्पतालके सूचना अधिकारी दिलिपकुमार श्रेष्ठके अनुसार धनगढीमे करल परीक्षणमे ७ जहनमे कोरोना पुष्टि हुइल बा । कैलालीके टीकापुर नगरपालिका वडा नम्बर ५ के ७४ वर्षिय पुरुष, गौरीगंगा नगरपालिका वडा नम्बर ४ के ४० वर्षिया महिला, लम्कीचुहा नगरपालिका वडा नम्बर ५ के ४० वर्षिया महिलामे कोरोना पुष्टि हुइल बा ।

उहाँ शुक्लाफाँटा नगरपालिका वडा नम्बर ४ कञ्चनपुरके २२ वर्षिय युवक ओ अछामके साँफेवगर नगरपालिका वडा नम्बर ११ के २३ वर्षिय महिलामे कोरोना पुष्टि हुइल जानकारी डेलै ।
उहाँक् अनुसार सेती अस्पतालके प्रयोगशालामे पाछेक २४ घण्टामे दुई सय ८० जहनके कोरोना परीक्षण करल बा ।

यीसंगे सुदूरपश्चिममे कोरोना संक्रमितके संख्या ३ हजार ९ सय ५६ पुगल बा । संक्रमण पुष्टि हुके १ हजार ५ सय १३ जाने डिस्चार्ज हुइल बाटै कलेसे ८ जनहनके मृत्यु हुइल बा ।

#CoronaVirus
#COVIDー19
#publichealth
#Pandemics
#Dhangadhi
#SudurPashchimProvince

जनाअवजको टिप्पणीहरू