थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

बौद्ध गुम्बाहे १५ लाख बजेट

पहुरा | ३० असार २०७७, मंगलवार
बौद्ध गुम्बाहे १५ लाख बजेट

पहुरा समाचारदाता
अत्तरिया, ३० असार ।
सुदूरपश्चिम प्रदेश सभा सदस्य चुनकुमारी चौधरीके पहलमे अत्तरियामे रहल अहिंसावादी विश्व शान्ति धर्म चक्र बौद्ध गुम्बाके लाग १५ लाख बजेट छुट्याइल बा ।

बौद्ध गुम्बाके संरक्षण, सम्बद्र्धन ओ स्तुपा निर्माणके लाग आगामी आर्थिक बरसके बजेटमे प्रदेश सरकारसे १५ लाख बजेट छुट्याइल गुम्बामे आयोजित एक कार्यक्रममे प्रदेश सभा सदस्य चौधरी उ बारे जानकारी कराइल हुइटी । उहाँ आपन निर्वाचन क्षेत्रमे लौव विकासके कामसंगे पुरान रहल संरचनाहे फेन बचाइक लाग प्रदेशसे योजना लानल बटैली । कार्यक्रममे लामा गणेश मोक्तान गुम्बा संचालनके लाग टमान कठिनाई अइना बटैलै ।

कलेसे उहाँ बौद्ध गुम्बाहे प्रमुख धार्मिक ओ पर्यटकिय क्षेत्रके रुपमे विकासके लाग प्रदेश सरकारके ध्यान जैना जरुरी रहल बटैलै । साथे उहाँ गुम्बामे रहल १७ जने अनाथ, असहाय बालबालिकाहुक्रनके आवाशिय रुपमे अध्यनरत रहल ओरसे आवास ओ शौचालयके समस्या रहल बटैलै ।

कार्यक्रममे गुम्बाके अध्यक्ष जगबिर थापा आपनहुक्रनके समस्या बुझके प्रदेश सदस्य चौधरीके पहलमे कुछ हुइलेसे फेन सहयोग हुइल बटैलै ।

कार्यक्रममे प्रदेश सभा सदस्य चौधरीहे धन्यवाद पत्र सहित समितिसे सम्मान समेत करल रहे । कार्यक्रममे गोदावरी नगरपालिका वडा नं २ के वडा अध्यक्ष कृष्णराज जोशी, दुर्गालक्ष्मी क्याम्पसके प्रमुख डम्बर पाल लगायतके सहभागिता रहल रहे । कार्यक्रमके संचालन सचिव निर्मल कुमार गुरुङ करल रहिट ।

जनाअवजको टिप्पणीहरू